4804/2024-2025

Dated Saitual, the 25th March 2025: Vawiin chawhma dar 11: 00 khan Sponsorship and Foster Care Approval Committee tum hnihna chu Saitual Bawrhsap Dr Lalngura Tlau hovin an thukhawm a, he hunah hian “Mission Vatsalya”scheme (2025-2026) hnuaia naupang chhawmdawl ngai leh enkawlzui ngaite puihna chungchang sawiho niin sponsorship atan naupang 139 leh foster care atan Pakhat(1) thlan chhuah te chu pawm a ni.

Saitual Bawrhsap Dr. Lalngura Tlau chuan central scheme tha tak tak a awm thin chu lawmawm a tih thu sawiin sponsorship dawng tur thlan chungchangah pawh hmaih palh awmlo thei ang ber tur leh a dawng tur dik tak ten an dawn theih nan uluk taka ngaihtuahna seng ṭhin turin a chah bawk.

He scheme dawng thei turte chu a nihna tur dik taka hman anih theih nan pek theih dan criteria hrang hrangte uluk taka thlirho thin a ni a, chumi atana pek tlakte chuan he sponsorship hi an dawng thin a ni.

Vawiin thutkhawmah hian Pu James Lalthangmawia,DCPO, Pi Lalruatkimi,Proctection Officer,NIC, Pu RK Zoramchhuana, Chairman, CWC Saitual,Pi Lalbiaktluangi, President, MHIP Sub-Headquaters te an tel a ni.