1598/2025-2026

Saitual, the 25th September, 2025: Vawiin khan Swachata Hi Seva 2025 Campaign pualin Saitual District hmun hrang hrangah faina hnatlangpui neih a ni a, Sawrkar pisa leh zirna in hrang hrang te tihfai a ni.

Saitual District-a khawtlang hruaitu VC te ruahmanna angin tukin dar 7-ah vantlang hnatlang koh a ni a, vantlang ram, kawngpui dung te leh tui luan kawr te tihfai a ni a, hnatlang tura chhuak khawm mipuite chu section hrang hrang a thendarh niin, an chanpual theuh an tifai a ni.

Vawiin vek khan sawrkar pisa leh zirna in hrang hrang te tihfai hnatlang neih a ni a, Ngopa RD Block leh Phullen RD Block-ah te pawh BDO kaihhruainain faina hnatlangpui hi neih a ni bawk.

Swachhata Hi Seva 2025 Campaign hi September ni 17 khan District Bawrhsap Dr. Lalngura Tlau chuan a hawng a, October ni 2 thleng awh tur niin hemi chhung hian hmalakna tur hrang hrang duan a ni. Faina beihpui thlakna hi UD&PA dept, VC te leh Sanitation Committee te tanghoin Saitual Town Area-ah September ni 17 atanga October ni 2 thleng kalpui a ni ang. He Campaign kharna hun "Swachhata Diwas" hi October ni 2, 2025-ah neih a ni dawn a ni.