2309/2024-2025 

Saitual, the 30th September 2024: Vawiin chawhnu dar 3:00 pm khan YMA Zawlbuk, Keifang Venghlui, Saitual District-ah Urban Development & Poverty Alleviation Department, Saitual District buatsaih Swachh Bharat Cultural Fest hman a ni a, Saitual Superintendent of Police,  Pu Pukhraj Kamal Gupta, IPS chu khuallian niin hun a hmanpui.  

He hunah hian khuallian chuan Swachh Bharat chu faina lama India ram hmalakna a nih thu a sawi a, ni 1 atan mai ni lo kar tam tak hemi pual hian hun hman thin a ni, a ti. Pu Pukhraj Kamal Gupta chuan India ram zalenna sual chhuaktu Mahatma Gandhi nun atanga faina pawimawhzia kan hriat thar a tul tih sawiin, kan chhehvelte kan tihfai chuan kan taksate a hrisel ang a, taksa hrisel chuan rilru hrisel a hring thin tih a sawi bawk a ni. Kalkhawm zirlaite chu khuallian chuan fuihin kan ram innghahna an ni, a ti a, faina kawnga hmahruaitu ni turin a chah nghal a ni. Faina chu mahni nuna a beh theih nan kan vaia kan tanrual a ngai tih sawiin, mahni in leh a chheh vel vawng fai a, faina chu nunpui theuh turin kalkhawmte a chah a ni.  

He One Day Cultural Fest hi Dr. Albert Vanlalliantluanga, DUDO, UD&PA in a kai hruai a. Zorun Cultural Club, Govt. Saitual College-te chuan hnam lam leh zai an entir a, Pi Lalthansangi Sailo, Community Organiser, DAY-NULM chuan lawmthu sawinain he hun hi a khar a ni.