4308/2023-2024

Dated Saitual the 22nd March, 2024: Vawiin khan PHED Saitual Watsan sub-Division huaihawin World water day Keifang Zawlbukah hman a ni a, World Water Day 2024 thupui atan hian United Nations-in ‘Inremna atan Tui ‘(Water for Peace) tih chu hman a ni.

World Water Day hmanna inkhawm ahhian Khuallian, Saitual DC Dr Lalngura Tlau chuan thu sawiin tuihna khawlkhawm chu in zirtir thar a tul takzet a ni, a ti a . Kum tinin in tin hian chawhrualin ltr singkhat sanghnih vel kan dawng a, chu chu khawlkhawm nachang kan hriat chuan sum tam tak kan khawl tihna a ni, a ti. Global warming avangin tuihna a tlem tialtial tih sawiin, tunlai khawvelah phei chuan ram tamtakah tui hna avangin intihbuaina a chhuak hial a ni, a ti bawk.

Dr Lalngura Tlau chuan Mizoramah chuan Water for survivor kan kalpui a, tui hna humhalh vanga hmasawnna tam tak kan neih theih thute leh hman ralna leh renchem lamah pawh kan inzirtir a,tui hnar tih pun, tui van tla pawh khawlkhawm zela, hman hnu pawh leih liam mai lovin thlai chawm nan te leh thil dangah tangkai takin  hman zui theih a nih thu leh chaw tellovin rei tak kam dam thei a, tui tello erawh chuan ni khat pawh kan dam theiloh avangin mitinte tuihna humhalh leh vantla khawlkhawm kawngah te nasa taka ṭan la thar turin a chah bawk.

He hunah hian District chhunga khaw hrang hrang WATSAN inelna lawmman sem a ni a ; Khawlian khua chu pakhatna niin lawmman hian citation leh pawisa fai a kengtel bawk.

He hun  denchhen hian Govt saitual college ah zirlaite tan "Tui renchem leh tui humhalh kawngah ṭhalaiten kan tihtur kan ti tawk em" tih  thupui hmanga debate neih chu result puan niin,citation hlanna neih  a ni bawk.

Vawiin Program ahhian Saitual DC bakah SP, Pu Pukhraj Kamal, NGO hruaitute, department mi leh sate leh sawmbikte an kal ṭha hle.