Salvation Army enkawlna hnuai a fahrah naupang 30 lai enkawlna hmun Muanna In Mualpui, Aizawl ah chuan nizan (11.12.2014) khan Advance Christmas hlimawm tak chu Chief Secretary Col. Davidson Vargease, India Eastern Territory, Aizawl chuan a hmanpui.
He advance christmas hmanna ah hian Aizawl a officer leh mi hausa inphalte zarah Home naupangte chuan krismas atan kawr thar leh thilpek chi hrang hrang an dawng a ni.
Salvation Army chuan kum 1978 atang khan naupang chanhai zawkte enkawlna turin ‘Home’ alo din a, naupang tam tak enkawl an lo ni tawh a ni. He Home hian tui connection ala neih ngai loh chu PHE Department kaltlangin Pu Zodintluanga, Minister, PHE chuan kumin 2014 September thla khan connection mumal tak a lo pek zar zovin, Home naupang zing atangin an school luhna hrang hrang atangin fai ber lawmman te an lo la ta a ni.
He Home hi Salvation Army Kohhran enkawl nimahsela, Kohhran pawn atangin Support Group mi engemaw zat ruat an ni a, Kohhran sum bakah mi thahnemngaite sum hmuh atangin nasa takin heng naupangte enkawl nan hian hmalak mek a ni.
