Nimin khan Chief Secretary Conference Hall-ah Samagra Shiksha Abhiyan Executive Meeting hmasa ber chu Chief Secretary Pu Arvind Ray, IAS hovin neih a ni.

Samagra Shiksha Abhiyan hi tun hmaa scheme hrang hrang SSA,RMSA leh Teacher Education te hlawm khata kalpuina tura Ministry of Human Resource Development-in a duan chhuah a ni a. Scheme thar hmalakna tur Annual Work Plan & Budget 2018-19,  SSA, RMSA leh Teacher Education-a thawkten an siam  chu meeting-ah hian thlirho a ni a, hemi bakah hian Mid-day Meal atana Budget 2018-19 ruahman chu sawiho a ni bawk. Kum 2018-19 atana Samagra Shiksha Abhiyan AWP& Budget leh Mid-day Meal atana ruahmanna  siam te pawm a ni a, MHRD- a Project Approval Board (PAB)-ah theh luh a ni dawn a ni. PAB hian Mizoram tana meeting a neih hun tura ruat chu May 24,2018 Ningani a ni a. He hunah hian Mizoram-a planning team te chu School Education Secretary hovin N.Delhi-ah an kal dawn a. PAB meeting neih hma hian Appraisal neih a ni dawn bawk a ni. Samagra Executive meeting-ah hian School Education Department Commissioner & Secretary, Director leh Officer te, SCERT Director te, MBSE Chairman te, Finance, Planning, Social Welfare leh member dangte an kal tha hle a ni.