709/2023-2024

Aizawl, the 7th June 2023 : Vawiin khan NIPUN Bharat Mission buatsaihin Foundational Literacy & Numeracy (FLN) Rally Aizawl khawpui chhung Joint YMA field Vaivakawn, Bawngkawn PS & MS II, leh College Veng field ah te buatsaih a ni.

Zirna kalphung thar New Education Policy (NEP) -2020 hnuaiah Sorkar Laipuiin zirna kawnga hmasawnna atan Foundational Literacy & Numeracy (FLN) naupang kum 3-9 inkara ina ziak, chhiar leh chhiarkawp te awmze nei zawka an zir thiam theih nana hmalakna ani a. FLN tih hlawtlin nan leh hmalak chhoh nan Mission din a ni a, chu chu NIPUN Bharat Mission tih a chu a ni. He Mission zinga hmalakna pakhat chu FLN Rally buatsaih a ni a. FLN Rally hi nu leh a te, NGOs, khawtlang mi, zirlai leh zirtirtute leh adt. te hnena Awareness Campaign neihna kal zel tur a ni a. June ni 1 atanga ni 15 inkar chhung hian State in activity chi hrang hrang tih tur a nei a, FLN hi chung zinga hmalakna pakhat a ni.

Vawiinah rally neih ah sikul thlan chhuah ten zirna (education) pawimawh thu leh tangkai na te tarlanna chart paper kengin school awmna vengah zirlai ten an kal kual pui a, a khar na hmun chu Joint YMA field Vaivakawn, Bawngkawn PS & MS II, leh College Veng field ah te a neih niin he Rally-ah hian zirlai 1515 an tel a ni.

Foundational Literacy & Numeracy (FLN) Rally-ah hian Pu Malsawmtluanga (Mama) Mizo zingah professional footballer hmasak ber; Pu Lalhruaitluanga Chawngte, thuziak mi, a lehkhabu ziah te pawh Mizo Academy in  Book of the Year a tana thlan bakah  Lalrina Renthlei Basketball thiam India aiawha pawha khel tawh ten an telpui a. Samagra Siksha State Project Office leh District Project Office atangin official ten an tel pui bawk a ni.

Attachment

  • Loading attachment...