Vawiin hian Sangau Block Development Officer Pu Vanlaltanpuia, MCS, SDO Civil Charge la mek tu ni bawk hovin a Office Chamber ah kan hma lawk, August 15 a India ram Independence Day Vawi 68 na lo thleng tur hman dan tur an rel.

Independence Vawi 68 na hi ropui taka hman nise, khuallian atan Pu C. Ngunlianchunga, Minister of State for AH& Vety etc. sawm nise an ti a, a hmanna hmun atan Sangau 1 Playground an rawt a ni. He hunah hian March-Past Contingent 10 neih nise an tih bakah Sangau Block huamchhunga khaw hrang hrang a infiam mite tan independence Day Football Tournament buatsaih sak nise an ti bawk.

Independence Day lawmnaah hian mipui a tam thei ang ber kal tura sawm nise an tih bakah sawrkar hnathawk phei chu an kal ngei ngei tur a ni tih meeting kaihruaitu hian a tarlang a, sawrkar hnathawk kal lo an awm a nih chuan a tul anga an Controlling Officer te hnena report a nih tur thu a sawi bakah Attendance a hmuna lak a nih tur thu a sawi bawk.

He meeting ah hian Sangau a Head of Office zawng zawng, VC zawng zawng leh NGO zawng zawng te an tel a ni.