Tukin hian Sport and Youth Services Department, Government of Mizoram buatsaih in Sangauah Marathon race neih a ni a, Sangau Block leh Hnahthial Block atangin mi 48 ten inelna an nei.

Marathon race a tlan te hi Sangau Vengthar kawn atangin Pu Vanlaltleipuia BDO In a vai liama South Vanlaiphai leh Darzo khaw inkar ah tlan kawng tawp siam a ni a, an tlan kawng thuizawng hi 42.195 km a thui a ni .

He intihsiak naah hian mipa lamah Tv. Lalvuanchhunga Lungtian II chu Pakhatna a ni a, a ni hian darkar 4, minutes 15 leh seconds 14 chhungin a tlan thleng a ni. Pahnihna chu Lalrammuana Sangau I niin Pathumna chu H.C. Lalramchhuana a ni thung. Heichhe lamah Iangrempari niin Pahnihna chu Nikhunrem a ni a, Pathumna hi Laltlanliani a ni thung, an vai hian Sangau I ami te vek a ni.

Mizo thalai te zinga talent nei tha te zawnchhuahna Programme Sports and Youth Services Department in a kalpui mek denchhen in he hun hi hman a ni a, vawiin hian Ratu lamah pawh hetiang hun hi neih a ni bawk a, nimin lamah saiha ah he hun hi buatsaih a lo ni tawh bawk a ni. Mizoram chhung hmun 9 ah hetiang intlansiakna hi buatsaih tura ruahmanna kalpui mek a ni.

He intlansiak buatsaih tur hian Sport and Youth Services Department lam atangin Coach leh thawktu dang engmawzat Sangau ah hian an kal a ni.