Vawiin khan Serchhip District a AH&Vety. Department hnuaia NLUP 2nd Phase Bawnglian vulh thlangtute hnenah Dairy Cow pahnih theuh pek fel an ni.

Vawiina Bawnglian lo thleng te hi 32 niin chhungkaw 16 hnenah sem nghal a ni a, chungho chu Serchhip-I atangin chhungkaw 3, Serchhip-II atangin chhungkaw 3, Serchhip-IV,Keitum, Bungtlang leh Khawlailung atangin chhungkaw 1 theuh leh Thenzawl atangin chhungkaw 6 te an ni.

Serchhip District ah hian NLUP 2nd Phase ah Bawnglian vulh thlangtu chhungkaw 31 an awm a, October ni 3, 2014 khan an zinga chhungkaw 15 te vulh tur chu Shillong atanga phurh thlen a lo ni tawh a, Baktawng Tlangnuam (chhungkaw 2), Buhkangkawn (chhungkaw 1), Chhingchhip (chhungkaw 3), Chhingchhip Mualpui (chhungkaw 3), Chhiahtlang (chhungkaw 1), New Serchhip (chhungkaw 1) leh Serchhip-V (chhungkaw 4) te hnenah pek an lo ni tawh bawk a ni.