Vawiin khan Sangau BDO Office tualah ram chhung hmundangte rualin Republic Day vawi 66 na chu hman a ni a, zing dar 7:30 ah Sangau BDO Pu Vanlaltanpuia, MCS chuan hnam puanzar pawtpharh in kalkhawmte hmaah thusawina hun a hmang bawk.

BDO chuan Ram inrelbawlna fel fai tak kan neih theihna tura Dan min zam saktute an hluin an ropui hle a, vawiin thlenga India ram lian tak nghet taka min thui phui theitu dan min siamsak avang hian zahna chibai kan buk a ni a ti.

BDO hian Sangau Block chhunga hmasawnna hrang hrangte kalkhawmte hmaah hian a tar langa, hmasawnna hnate chak taka thawh a nih theihnan mipuite tawiawmna a pawimawh thu a tarlang bawk.