4775/2025-2026

Lawngtlai, the 11th March, 2026 : Vawiin chawhma dar 10: 00 AM khan 'District Level Committee On Fire Prevention Lawngtlai' buatsaihin 'Awareness Programme on Fire Prevention' chu BDO Hall, Sangauah hman a ni am Lawngtlai Bawrhsap leh Chairman, District Level Committee on Fire Prevention ni bawk Pu Donny Lalruatsanga chuan a hmanpui a .Pu HC.Lalengkima, EM, i/c EF & CC, etc. LADC chu khuallian a ni.

Khuallian chuan Deputy Commissioner kaihruiana hnuaia Lawngtlai District Level Committee on Fire Prevention- hmalakna fakawm a tih thu a sawi a. Ram kangin nghawng a neih thui zia hriaa kangmei tichhuaklo tura hmalak chu a pawimawh hle a tim a pawi zia kan hria a, a pawi em em a ni. Sawrkarlaipuiin ram kang hi a ngai thutakin a ngaipawimawh hle a, ram leilung fate tan phei chuan theihtawp chhuah tur kan ni a ti. EM chuan keimahni tan chauh ni loin thangthar lo awm leh zel tur tan ramngaw tha tak Kan siamsak a tul hle a, ram nuam leh chhenfakawm siam turin tan i la tlang ang u tiin a sawm a ni.

Pu HC.Lalengkima, EM, i/c EF & CC, etc chuan kangmei tichhuak lo turin inzirtirna chak zawka kalpui a tul hle a ti a. A bik takin Mizoram tihming thatu Phawngpui tlang kang thin veiawm a tih thu tarlangin kuminah kangmei laka a fihlim theih nan a chheh vela khua awmte tan la sauh sauh turin a fuih a. e pawh a kan lohna turin kan fimkhur a ngai a ni. Forest Department - te kutah engkim dah a thianglo a, mi tin hian kangmei chhuak lo tura tan la turin a fuih a ni. Kangmei tichhuaktu ni lo tur leh kangmei chhuak thelhtu ni theuh turin kalkhawmte a sawm nghal a ni.

Pu Donny Lalruatsanga chuan sawrkar mi leh sa, NGOs, VCs leh mipui kalkhawm te chibai bukna a nei hmasa a. Kangmei in kan Environment, Ramngaw leh tuitlan a ti chhe nasa hle a, kangmei venna kawngah tan lak thar a ngai hle a ni, a ti. Nikum lam District in elnaah kangmei tichhuak nasa ber District kan ni a, tih tur hmabak kan ngah hle a, chak zawka hmalak a tul thu a sawi. Lawngtlai district chu ADC pahnih nei a ni chungin, kangmei venna kawngah a ti tha ber ni tur a theih tawp chhuah mek a ni, a ti. Bawrhsap chuan VC, NGO leh chhungkua anga tih tur a awm thu tarlangin kangmei tichhuak tute man chhuah a, an phu tawk hremna pek a ngai a, Sawrkarin khapna(Order) a tih chhuah pawh khauh taka kalpui tum a nih thu a tarlang. Kangmei vennaah sawrkar leh Department kutah engkim dah theih a nih lo thu sawiin,thawhpuiah mipuite a sawm a. turin a sawm thar leh a ni. Lawngtlai District- timawia, tihmasawn turin mitinin mawhphurhna an nei tiin theihtawp chhuah turin a fuih a ni.

Bawrhsap chuan Foreigner chungchang sawiin, harsatna tawh mekte uluk taka ngaihtuah a tul hle a ti am ngai a nia ti a. Khawpui chhungah tute nge hriat loh an tam em em a, tun atanga vei leh hmalak a nih loh chuan nakin zelah buaina lian zawk a awm thei tih sawiin, District Administration - leh LADC lam ten hma an lak reng thu a sawi. Foreigner lut leh chuak leh sumdawnna kawngah Siaha District nen tangkawpa Standard Operating Procedure (SOP) duang mek a nih thu leh kalpui thuai a nih tur thu a tarlang a ni.

Ruihhlo chungchang sawiin, Bawrhsap chuan ruihhlo in min luhchhuah nasa em em a, Lawngtlai District- ah ruihhlo lut leh chhuak theihtawp a dan a ni lh thu a tarlang a. Lawngtlai District- ah Project thar leh tha em em tur "Drugs Free District" tih hmangin April thla atangin ruihhlo Do kalpui a nih dawn thu a sawi. Ruihhlo Do turin Sawrkar, VC leh NGO - te an che chhuak mek zel tih tarlangin, Pu Donny Lalruatsanga chuan thawhhona tha tak nen Ruihhlo tihrem thuai a nih a beisei thu a sawi bawk.

He hun hi Pu K.Lalromawia, DCCF, LADC & Member Secretary, District Level Committee on Fire Prevention, Lawngtlai District in kaihhruaiin, Pu Marcellas Hunlawmawma, Deputy Conservator of Forest, Chhimtuipui Wildlife Division,chuan power point presentation  a pe a,  Pu Thomas Maratha  Hlychho, BDO, Sangau RD Block chuan lawmthu sawina  neiin hun khar.