Vawiin hian Lawngtlai Block BNRGSK Hall ah District Fisheries Development Office buatsaihin Lawngtlai District a sangha khawitute hnenah training buatsaih a ni a. Pi C. Lalparmawii, Lawngtlai DFDO in a kaihhruai.

He Training ah hian Pu Lalmalsawma, FEO chuan tunlai thiamna hmanga Sangha dil siam dan leh enkawl dan zirtirna a nei a, Pu H.C Lalrintluanga, AFO in Common Carp Sangha tui tir dan leh a no enkawl dan zirtirna a pe bawk.

He mi rual hian Lawngtlai District huam chhunga lui dung leh luia cheng nungchate humhlah tha zual NGO 7 (pasarih) te hnenah Lawmman (Incentive Cash Award) Rs 40000 (Singli) theuh leh Thuziak (Citation) nalh tak an hlan nghal a, he lawmman dawngtu leh an humhalh luite chu; Lawngtlai Vengpui YLA – Sahri Lui, Lawngtlai AOC Branch YLA – Serva Lui, Lawngtlai Chandmary Branch YLA – Tuiphal, Kawlchaw West Branch YLA – Chhimtuipui, Bungtlang South & Sekulhkai Branch YLA – Sekulh lui, Chawngtelui Branch YLA- Chawngtelui leh Kalamanagar III YCA – Tuichawnglui te an ni.

Vawiina training ah hian Fish Farmer Development Agency atangin vawiina Training tura kal khawm mi 95 te hnenah tanpuina sem nghal a ni bawk.