May 22, 2016 a bahra a laihna a leimin in a delhhlum tak Sastirai,49 s/o Depsingrai, Thaidawr chanchin chungchangah thil hriatfiah tawk lo a awm a hria in,Mamit District Bawrhsap chuan a chanchin an hmuhdan hetiang hian an chhuah:

Sastirai hi Thaidawr Main Electoral Roll-ah awmin Epic No.HJT0131649 a nei a. A nupui Dehorung(47) leh an fate hmeichhia pali(4) leh mipa pakhat (1) nen Naisingpara Transit Camp atangin Thaidawr a lokir angin an in report a. An ni chhungkua hi Tripura atanga mahni duhthu a lokir(self repatriated), sorkarin endik tura a tih te zinga mi niin endik mek an ni. An chhungkua hi PHH Ration Card No. 00000046 March,2016 khan pek chhuah tawh niin, May 2,2016 khan ration buhfai pawh 24kg a thawh khatna atan an la a, athawh hnih na ah 40kg la leh tur an ni. An ni chhungkua hi Food Security hman hma pawh in APL Card No.101 neiin APL quota pangngai angin buhfai la reng thin an ni.