257/2025-2026

Dated Serchhip, the 22^nd April, 2025: Vawiin khan Serchhip District Agriculture Marketing Committee (DAMC) chu an Chairman Pu Paul L Khuma, Serchhip DC hoin Serchhip DC Meeting Hall ah an thukhawm.

Sawrkarin farmer te sawhthing thar chhuah hi a lei sak leh tawh dawn avangin an lei dan tur ruahmanna siam a ni a. Tun tumah hian sawrkar chuan Secondary Collection Centre (SCC) te tan an lei theih zat qouta a bituk tawh lo a. SCC tina khaw hrang hrang ten tharchhuah an beisei zat (expected yield) atang te, an chawh sa atang te leh SCC kudama sawhthing dah theih zat atangte a chhutin, Primary Collection Centre te nen inberawnin SCC te hian sawhthing lei zat tur ruahmanna an lo siam tawh dawn a ni. SCC te hian auction notice an chhuah a nga, a leitu tur zawn kawngah pawh hma an la a nga; chutihrualin, DAMC lam pawhin hralhna zawn kawngah a tanpui tho dawn a. Support price an dawn theihna turin SCC te hian sawhthing hi DAMC hriatpuina in an hralh chhuak thin ang. 

Lungpho SCC chu a panna kawng a that tawk loh avangin vawiin meeting chuan he SCC huamchhunga khuate chu Chhiahtlang SCC ah beh tir ni se, tiin an rel a ni. 

Secondary Collection Centre (SCC) te chu Bank Account hawng theuh tura beisei an nih laiin RBI inkaihhruaina danin society registration number nei lo te chu scheduled bank-ah account hawn a remti lo a. Chuvangin, hemi chinfelna tur hian DAMC chuan commitment letter a siam sak a nga,  District Cooperation Office chuan dan hnuaiah a rang thei ang bera registration tih fel sak turin hma an la thung dawn a ni.