No.7268/2020-2021

Vawiin khan Additional Chief Secretary Pu J.C. Ramthanga hovin CM Conference Hall-ah sawrkar department hrang hrang ram neihte enkawl leh hman zui dan tur ruahmanna - "The Mizoram Government Land Pooling and Management Scheme" chungchang sawiho a ni. GAD, Revenue Department, Education Department leh Law & Judicial Department hotute an thukhawm a ni. 

Council of Ministers meeting hnuhnung berin GAD in he scheme chungchangah hian a kaihhnawih department-te ko khawm a inrawnkhawmna nei tura a phutna angin vawiin meeting hi neih a ni. 

The Mizoram Government Land Pooling and Management Scheme hi kum 2018 September thla a sawrkar in a notify tawh a ni a. He scheme hnuaiah hian department hrang hrangten document an neih te GAD ah an thehlut a. Department thenkhatin ram zau tak tak an neih laia a thenin an nei loh avangte leh, rualkhai zawk leh tangkai taka ram hman a nih theih nan leh thil pawimawh dangte ngaihtuah a hmalak a nih theih na tura ruahmanna a ni. 

Vawiin meeting chuan he scheme in a phutte leh department hrang hrangte ram neih dinhmun te thlirho in, sawrkar a sum chhunluh revenue khawih tel thei thil te a nih avangin uluk taka ngaihtuah pawimawh an ti a. Harsatna awm thei tur hrang hrangte leh hmalak theihna tur te sawiho a ni.