Vawiin chawhnu khan ATI Auditorium-ah Civil Services Day 2018 chu India ram hmun dang te rualin hman a ni a. He hunah hian Acting Chief Secretary Pu Lalnunmawia Chuaungo chu khuallian a ni a. He hunah hian Central leh state sawrkar hnathawk zinga sawmbikte an tel a ni.

Civil Services Day 2018 hmanna huna thusawitu Acting Chief Secretary Pu Lalnunmawia Chuaungo chuan vawiin Civil Services Day ah hian sawrkar hnathawk (civil servants) te chu ram leh mipui te tana thawk an ni tih inhre thar leh turin a fuih a. Senior Official ten Civil Services Day programme an rawn ngai pawimawh chu lawmawm a tih thu a sawi a; sawrkar hnathawkte chu Ram inrelbawlna lungthu tikimtu leh sawrkarin mipui tana hna a thawh theihna kutke pawimawh ber zinga mi an ni a ti. Sawrkara roreltu politician thlan tlin te chu kum 5 dana exam hmachhawn thin leh a taka hnathawk tura an hnuaia sawrkar hnathawkte mamawh te an ni a; sawrkar hnathawkte erawh chu danbawhchhiatna liantham an neih loh chuan an pension thlenga chhawr an nih thin thu a sawi a.  Hna nghet kumhlun neia chhawr sawrkar hnathawkte chuan mipui hamthatna atan thawk tura hlawh nei an nih tih an chian fo a ngai a. Mipui nawlpui hamthatna atana thawk an ni tih theihnghilh in mahni tana hnathawk rilru an an put chuan sawrkarna tha - good governance a awm thei thin lo a, ram leh mipui ten hma a sawn thei thin lo a ni a ti.  Sawrkar hnathawk,  eizawnna ngelnghet nei te chuan an kumhlunna chu huaisenna petu, dikna nena hnathawh tumna bakah langtlang sawrkar siam duhna rilru an neih nan hmang se a ram leh mipuiin an chhawr tangkai zual zawk dawn tih a sawi a ni.

Civil Services Day 2018 hian an hmalakna bika chhuanawm  leh entawn tlaka ngaih kutchhyak zingah " Implementation of PMKSY in Siaha" leh " ADDMA App"  chu thlanchhuah a nih angin Powerpoint hmanga entir a nih bakah sawihonaa nen bihchian a ni a. Civil Services Day 2018 a Best Practices pahnih  thlan chhuah te hian rampum huap in lawmman an lo dawng tawh a.   “Implementation of PMKSY under Siaha District” hian kum 2017 khan Prime Ministers Award for Excellence in Public Administration a dawng a,  “ADDMA App” pawh hian National e-Governance Award, 2018 a dawng a ni.

Hemi hnu hian, ATI Director Dr Ankita Chakravarty kaihruaiin,  " Corruption in Government : Improving Transparency and Probity in Public Life" tih thupui chu chik taka sawiho a ni a. Sawihonaah hian panelist te chu Accountant General  Pu H.K. Dharmadarshi, Accountant General IGP (Intelligence)  Pu LH Shanliana te an ni.

Civil Services Day 2018-ah hian Principal Secretary te, Commissioner  te, Secretary te, Department hotulu ber zawng zawng te, Mizoram Sawrkar hnuaia IAS, IPS, IFS Officer zawng zawng te, Secretariat a Joint Secretary chin chunglam zawng zawngte, Sawrkarin a pawmpui  Services Association te aiawh mi 2 theuh te leh  Mizorama Central Sawrkar Mizorama Pisaa Head of Department te an tel a ni.

Civil Services Day 2018 puala programme buatsaihah hian  RFD thawk thazual Department 10 thlanchhuah te hnenah lawmman hlan a ni a. Kum 2016-17 chhunga Mizoram Sawrkar hnuaia Department hrang hrang leh District tin te’n an hnathawh that dan tehna Results Framework Document a titha Top Ten te hnenah Certificate of Appreciation hlan a ni  a.  chung Department te chu an tih that dan indawt in :-