No.3473/2021-2022

Aizawl, the 20th December 2021 : Hunpui lo thleng tur denchhen hian supplier leh office tlawhtu mi thenkhatin sawrkar official te hnenah halpuah leh halmawi a thlawna pek an ching tih hriat a ni a. Hemi chungchangah hian General Administration Department changtu Addl.Chief Secretary Pu JC Ramthanga chuan circular December 14, 2021 khan tichhuakin sawrkar hnathawk zawng zawng te chu hetiang thil pek dawng lo turin a hriattir.

State Sawrkarin Krismas leh Kumthar vuakvetah halpuah leh halmawi lam chi reng reng kawl, lei, hralh leh hal a khap a. Chuvangin, Mizoram Sawrkar chuan sawrkar hnathawk zawng zawng te chu he thupek hi zawm vek turin khauh takin thupek a tichhuak a ni.