Nimin tahrik ni 12.03.2016 khan India rama State hrang hrang 29 te sawrkar inrelbawlna tha (good governance) chungchanga Public Affairs Centre, Bengaluru in an zirchianna “Public Affairs Index” chu Chief Justice of India hlui Justice Venkatachaliah an Bengaluru ah a tlangzarh. He Public Affairs Index tlangzarh takah hian Small States zingah Mizoram chu Pakhatna niin Himachal Pradesh leh Delhi ten an dawt a, Large States zingah Kerala Pakhatna niin Tamil Nadu leh Karnataka ten an dawt a ni.

Public Affairs Index ah Mizoram Pakhatna anih denchhenin Chief Secretary Pu Lalmalsawma chuan Mizoram Sawrkar aiawhin Justice Venkatachaliah hnen atangin “Certificate of Excellence” a dawng a ni.

Public Affairs Centre in zirchianna “Public Affairs Index” a buatsaih ah hian States te chu tehna hlawm lian tak tak 10 heng, i) Essential Infrastructure ii) Support to Human Development iii) Social protection iv) Women and Child v) Control of crime, law & order vi) Delivery of Justice vii) Environment viii) Transparency & Accountability ix) Fiscal management x) Economic freedom ah te teh an niin heng tehna hlawm lian 10 te hi criteria hrang hrang 68 ah thliar sin leh ani. Public Affairs Index hi Internet website www.pai.pacindia.org ah en theiha dah a ni.

He zirchianna project hi retired IAS Officer leh Rajasthan Chief Secretary te pawh lo ni tawh Dr. C.K. Mathew, Senior Fellow – PAC kaihruaina hnuaia buatsaih ani a, Public Affairs Index a State hrang hrang te dinhmun chu a hnuaia mi ang hi a ni:

Public Affairs Center (PAC) hi ‘not for profit’ organization niin kum 1994 khan Padma Shri awardee leh IIM, Admedabad Director hlui lo ni tawh Dr. Samuel Paul (L) hmalakna a din ani a. PAC thil tum tlanglawn ber chu sawrkar inrelbawlna (governance) in hma a sawn zel theih nana mipui nawlpui leh Non-Government Organization hrang hrang te’n awmze nei taka tha an lo thawh ve theih dan tur ngaihtuah a ni.