National Atlas & Thematic Mapping Organisation (NATMO) leh Indian National Cartographic Association (INCA) tangkawp te buatsaihin Kolasib Salvation Army Integrated School a Visually Impaired Students te pualin September ni 3 leh ni 4 hian Thematic mapping leh National Quiz competition buatsaih a ni.

NATMO Hqrs, Kolkatta atanga he hun hmanpui tura lo kal Dr.Sweeta Banerjee, Scientific Officer, Dept of Science & Technology, Govt of India, chuan Mizorama a vawikhat na a tana Thematic Mapping leh Quiz competition buatsaih chuan ati lawm hle ani tiin, Visually Impaired Students te chuan an hlawkpui ngei leh tawnhriat tha tak an neih phah a rin thu a tarlang a, kum lo la awm zel turah chhunzawm zel theih nise zirlai naupang te chuan an hlawkpui leh zual a rin thu a sawi bawk.

September ni 3 khan workshop neih niin he hunah hian mitdel ten Map an chhiar/en theih dan tur zirtir an ni a, Visually Impaired Students te chuan an hlawkpui hle a, September ni 4 hian National Quiz Competition neih a ni bawka, heta an Result hi NATMO Hqrs ah thawn a ni anga, a titha te chu level sang zawk hmachhawn tura thlan an ni ang. Quiz Competition neih zawhah hian kharna inkhawm hman nghal niin he hunah hian Visually Impaired Students te chu lawmman (Certificate) leh World Map (Braille map) pek theuh an ni. NATMO leh INCA hi Mitdel ten map an en/chhiar/khawih theihna tura nasa taka thawktu leh hmalatu an ni.

Salvation Army Integrated School ah hian tun dinhmunah Visually Impaired /Blind Students 10 awmin pawl hrang hrang an zir a, he school zirlai ni thin te hi mi tum ruh leh chhuanawm tak tak heng Guest Lecturer, B.D zirlai , nikum hmasa lama MZU B.A (Pol.SC) a top 3 a lang pha te bakah kumina MCS Preliminary exam hmachhawn te pawh an awm a ni.