Kolasib District chhunga Govt. Primary leh Middle School, English Medium-a sawrkarin a lehlin tak (converted) te pualin vawiin khan Induction Training, ni 4 awh tur Kolasib ah tan a ni. Induction training hi SCERT leh School Education tangkawpin an buatsaih a ni a. Hmun hnih- Cluster Resource Centre leh Govt. Middle School, Banglakawn-ah te neih a ni.

Induction Training hi Pu Lalrambuatsaiha, SDEO, Kolasib chuan a hawng a. Thu sawiin Pu Buata chuan, sawrkarin Govt. school te English Medium ah a let ta nual a. Nu leh paten beiseina sang tak nen keini ho hi min thlir mek reng a, chuvangin kan thiamna leh theihna zawng zawng nen zirtirtuten tihtak zeta tan kan lak a ngai a. Hriatzau kawngah pawh intat hriam ila, naupang lehkhathiam chherchhuak turin nasa takin i tang ang u, a ti. Sawrkar sikul te phei chu Midday meal, Uniform leh Text book te sawrkarin min chhawp sak vek avangin kan vannei in kan changtlung a. Tunah hian sikul tamzawk English Medium-a hlangkai turin mipui lam atang pawhin awhna (demand) a sang hle a ni. Chuvangin keini hian tan i la sauh sauh ang u, Pu Lalrambuatsaiha chuan a ti a ni.

Training ah hian Kolasib District chhunga Govt. Primary leh Middle school, English Medium-a lehlin tak 15 atangin Zirtirtu 94, Primary zirtirtu 47 leh Middle school zirtirtu 47 an tel a. Zirtawpni thleng awhin hemi chhung hian SCERT-a English Language Teaching Institute mithiam te- PC Vanlalruata, Hdm, MISE, HT, Vanlalremruata, Tutor, Laldampuii, Lecturer leh Esther Lalnunpuii, Tutor ten kawng hrang hrangin zirtirna an pe dawn a ni.