Mizoram Youth Commission Chairman Pu T. Sangkunga, East Tuipui Bialtu MLA chuan Tuipuiral Open Ranking Badminton Tournament 2016 hawnna inkhawm Khawbung Community Hall-a nimin (30.11.2016) a buatsaihah khuallian niin, Sorkar hna harsa telh telh karah eizawnna tha leh hlawk zawk thalai te tan sawrkarin Mizoram Youth Commission kal tlanga zawn sak a tum thu a sawi.
Khuallian chuan Mizoram Sawrkarin department hrang hrang a hnaruak te hnawhkhat turin a țul lova hna lak belh vak vak a tum loh thu a sawi a. A lo thlawn a mipui sum seng ral lovin, indiahlohna post hnawhkhat tur pawhin mi thiam leh a lut awm tak tak chauh lak an nih tur thu a sawi. Pu T. Sangkunga chuan Sorkar hna chauh thawh tum chuan thalai te an in daih dawnlo a, amaherawhchu hna tha dang tam tak a awm a, chung hna hrang hrang India ram chhung leh pawn thlenga thawk thei tura thalaite kawng kawhhmuh chu Mizoram Youth Commission hnathawh pawimawh tak a ni, a ti a. Sawrkarin a sum neih ang ang chu kuthnathawktute tan a theih anga tam hman a nih tur thu khuallian chuan sawiin,bial chhunga kawngpui PMGSY, PWD leh BRTF road te chu siam țhat tum mek a nih thu a sawi bawk
Tuipuiral Open Ranking Badminton Tournament hawnna hun hi President Pu C Kapfela chuan kaihruaiin, Secretary Pu C. Lalchhanchhuaha’n Tournament buatsaih a nihdan sawiin Report a pe bawk.
