3483/2024-2025

Dated Aizawl the 11th December, 2024 : Vawiin khan SCERT chuan Poetry Festival leh Proficiency Award in English semna hun an hmang a. He Poetry Festival-ah hian Pu JH Zoremthanga, Chairman, MBSE chu Khuallian niin Pi Angela Zothanpuii, Director, School Education chu Khual zahawm a ni thung.

He programme hi kum 2011 atang khan kum tina neih thin niin, zirlaite tan thupui neia poem in phuah siakna, ‘On the Spot Poetry Writing Competition’ hman thin a ni. He hunah hian HSLC leh HSSLC-a English subject-a ti tha te lawmpuina certificate leh cash award sem thin a ni bawk. 

He programme hi Pi Caroline Zoramthangi, Director, SCERT-in a kaihruai a, Dr. Lalduhawmi Thomte, Joint Director, SCERT chuan Keynote address sawi.  

Khuallian Pu JH Zoremthanga, Chairman, MBSE chuan History atangin thu leh hla pawimawh zia a lan dan te a sawi a. Thalaite chu poem ziah uar sauh sauh tur leh hetiang lama hmasawn zel turin fuihna thu a sawi bawk.  A thusawi zawh hian Poetry Writing Competition-a a ti tha thlan chhuah te hnenah lawmman a sem nghal a ni.

Khualzahawm Pi Angela Zothanpuii pawhin he hunah  hian fuihna thu sawiin  Proficiency Award in English a sem nghal a. He award hi HSSLC-a ti tha zirlai 20 hnenah leh HSLC-a ti tha zirlai 4 hnenah hlan a ni bawk. 

Poetry Festival leh Proficiency Award in English hi kum 2011 atang khan kumtin neih thin a ni tih thu a sawi a. Kum 2011 atanga kumin 2024 thlengin zirlai 393-in Proficiency Award in English lawmman hi an dawng tawh a. He lawmman hian certificate leh pawisa fai a keng tel a ni. Kumin hian Poetry Festival-a tel turin Higher Secondary School 23 atangin zirlaite sawm an ni a, zirlai 60 an rawn tel a, kumin atana thupui (theme) chu ‘Undo…what if’ tih a ni.

Poem inphuah siaka lawmman la te chu – 

1.    Ruthi Lalrinpuii, Class XII (SC), St. Paul’s HSS

2.    Emmanuel Vanrempuia, Class XII (Arts), St. Paul’s HSS 

3.    Jason Lalngaihsaka, Class XII (Arts), Govt. Mizo HSS  

Poem inziah siak-a endiktu te chu – 

1.    Dr. V.L. Rinawmi, Asst. Professor Deptt. of English, Govt. Johnson College

2.    Dr. Lalbiakdiki Chawngthu, Asst. Professor Deptt. of English, Mizoram Christian College

3.    Pu Mark V. Vanlalrema, Asst. Professor Deptt. of English, Govt. Aizawl College 

Poetry Festival leh Proficiency Award semna hi Pi Lalnunsiami, Deputy Director, SCERT-in lawmthu sawina neiin hun a khar a ni.