Election Commission of India (ECI) 8th Mizoram Legislative Assembly siamna atan Inthlanpui chu 28th November, 2018-ah neih a nih tur thu a puang a. He Inthlanpui atan hian a hnuaia mi ang hian ruahmanna siam niin inpuahchahna kalpui a ni:-
1. Electoral Data & Polling Stations:- ECI in Mizoram-a District 8-ah ni 1.1.2018 qualifying date-a hmanga Special Summary Revision of Electorals Rolls a kalpui a, Final Electoral Rolls chu ni 27.9.2018 khan tihchhuah a ni a, vote nei thei mi 7,68,181 an awm a, heng zinga mi 3,74,496 hi mipa an ni a, 3,93,685 hi hmeichhia an ni. District 8-ah inthlan neihna tur hmun 'Polling Station' 1,164 a awm a ni.
2. Identification of Electors:- Vote thlak turte reng rengin, Polling Booth-a an nihna tihchianna'n Elector's Photo Identity Card (EPIC) an hmang tur a ni a, Aadhaar Card pawh Addl.document atan an hmang thei bawk ang a, hemi baka document hman theihte chu a tuldan a zirin la inhriattir leh a ni ang.
3. Law & Order and Deployment of Forces:- Inthlanna muanawm leh felfai neih a nih theihna atan, dan leh thupek kenkawh kawnga mawhphurtute chu a tul anga hma la tura tih an ni a, a bik takin District Magistrate leh Superintendent of Police -te chu ruahhmanna tul ang zawng zawng siam tura tih an ni. State Police 48 Coy bakah Central Armed Police Force(CAPF) 40 Coy ten venhimna hna an thawk dawn a ni. Polling Station thlan bik 125-ah web-casting tih a ni dawn a ni.
4. Election Officials:- Deputy Commissioner-te chu District Election Officer (DEO) atana ruat an ni a, Inthlanna buaipuitu Returning Officer 29, Asst.Returning Officer 40 ruat an ni tawh bawk.
5. Election Observers & Sector Officers:- General Observer, Expenditure Observer, Police Observer leh Micro Observers an awm ang a, anni hian inthlan chungchanga hma lak dan ngun takin an vil dawn a ni. Inthlan kalpui dana lungawilohna emaw sawisel duh neite chuan an biala Observer-te an hriattir thei ang. Observer bakah hian sector hrang hrang vil turin Sector Officer 139 ruat an ni bawk.
6. Conduct of Officials:- Election Commission of India (ECI) chuan inthlanna buatsaihna kawnga mawhphurtu, Police-te tiamin, Sawrkar hnathawk zawng zawngte chu duhsak bik emaw hlauhna nei hauh lova a lai thei ang bera hna thawk turin a beisei a. An zavai hian ECI hnuaia deputation-a kal anga ngaih an ni a, election process a zawh hma chuan Commission thuneihna hnuaiah an awm dawn a ni.
7. Innovative Measures / New Initiatives:- Tun tum inthlanpui-a thil thar leh ruahman danglam thenkhatte:
1) VVPAT: Tun kum inthlanah hian EVM bakah VVPAT Assembly Constituency zawng zawngah hman a ni dawn a ni.
2) All Women Managed Polling Stations: Assembly Constituencies tinah polling station pakhat theuh zel chu hmeichhia chauhin an enkawl dawn a. Hetah hian polling staff bakah security personnel zawng zawng hmeichhia an ni vek ang.
3) Booth Level Planing: Booth Level Planning for Polling Stations mumal tak siam tur a ni a, he plan hian standard operating procedure mumal tak a keng tel ang.
4) E-Atlas: Election kaihhnawih hmalaknate monitor nan leh planning atan GIS based E-Atlas - duan a ni a, tangkai taka hman tum a ni.
5) E-Payment Gateway for Goods and Services: Civilian/Officials/Police Officials te hnena Payment zawng zawng, election atana motor hiring charge huamin, E-payment Gateway kal tlangin pek chhuah tur a ni.
6) Registration of Service Voters and ETPBS: A vawikhatna atan Mizoram-ah tun tum Inthlanpuiah hian service voters ten state pawn atanga vote rang zawk a an thlak ve theihna atan ECI chuan ETPBS (Electronically Transmitted Postal Ballot System)a ruahman a ni.
7) Friendly polling stations for differently abled electors: Rualbanlo/vohbik elector-te tan polling station tinah an vote thlak awlsamna tur special facilitation voting ruahman sak an ni.
8) C-VIGIL App: Model Code of Conduct bawhchhiatna thleng thinte hi mipui mimirin complaint an siam zung zung theih nan ECI chuan c.VIGIL App a duang chhuak a. Complaint register anih hunah unique ID no. pek chhuah hmangin an complaint dinhmun chu a chhui zui thei dawn a ni. c- VIGIL App system-ah complaint a lo luh veleh chu complaint chu District Control Room-ah thawn a ni anga, chu chu Flying Squad ten dawng chhawngin hma an lo la dawn a ni. An report chu Returning Officer-in a lo hmuh hunah, a tul angin hma a la ang.
9) Photo Voters Slips (PVS): Voter-ten an vote thlakna tur polling station leh Electoral Roll-a an serial no. theuh an hriat lawk theih nan official voter slip an thlalak chuang chu inthlanni hma ni 5 chhungin District Election Officer ten Booth Level Officer kal tlangin an sem dawn a ni.
10) Braille Photo Voter Slips: Election Commission of India chuan Accessible Photo Voter Slips with Braille Features to Persons with Visual Impairment or blind (mitdel) a buatsaih dawn bawk a ni.
11) Assured Minimum Facilities (AMF): Election Commission of India chuan Polling Station upgrade-in heng- tui in tur, toilet, ramp, standard voting compartment, etc voter-te tana awlsam taka vote thlak theihna tura awm vek turin ruahmanna a siam bawk a ni.
12) Photographs of Candidates on EVM Ballot Paper : Vote thlak turten candidate-te an hriat hran theihnan ECI chuan EVM-a ballot paper leh postal ballot paper-ah candidate tinte thlalak tarlang turin ruahmanna a siam a, hei hi Mizoram tan bik chuan a vawikhatna tur a ni dawn a ni.
8. Model Code of Conduct:- 'Model Code of Conduct for General Election to Mizoram Legislative Assembly chu ni 6th October, 2018 atang hian hman tan nghal a ni a. He Model Code hian Political Parties, Contesting Candidates, Ministers, Members of Parliament, Members of Legislative Assembly, Chief Executive Member, Executive Members, Members of District Council, etc leh Public Servant-te a huam ang.
9. Schedule of Election:- Hetiang hian 'General Election to Mizoram Legislative Assembly' neih dan tura ruahmanna - Schedule chu siam a ni:-
1.Issue of Notification by the Governor & Issue of Notice of Election by the Returning Officers 02.11.2018(FRIDAY)
2.Last date for filing Nominations 09.11. 2018(FRIDAY)
3.Date for Scrutiny of Nominations 12.11.2018(MONDAY)
4.Last Date for Withdrawal of Candidatures 14.11.2018(WEDNESDAY)
5.Date of Poll 28.11.2018(WEDNESDAY)
6 Counting of Votes 11.12.2018(TUESDAY)
7. Date before which election process shall be completed 13.12.2018 (THURSDAY)
10. Appeal:- Chief Electoral Officer, Mizoram chuan inthlanna fel fai leh muanawm kan neih theihna'n inthlanna buaipuitute, Political Parties, Media, Civil Society Organizations leh mipui tawiawmna a ngen a. Mipui duhthlanna kal tlanga Sawrkar inrelbawlna tha tak kan neih zui zel theih nana theih tawp chhuah theuh turin mipuite a sawm a ni.
