Vawiin Dt. 18.08.2016(Ningani) chawhma dar 11:30 khan Directorate of School Education Conference Hall-ah School Education Department Officer-ten an hnathawh thlirletna hun an hmang a.School Education Minister Pu H. Rohluna leh Parliamentary Secretary Pu Joseph Lalhimpuia-ten an hmanpui.

School Education Secretary Pu P. Lalchhuanga kaihhruai, he review meeting-ah hian Department hnuaia hmalakna hrang hrang, Directorate of School Education, SCERT, SSA, RMSA leh Mid - day Meal bakah Scheme leh Project hrang hrang kalpui dan leh chak zawka hna thawh dan turte sawi ho a ni.

Meeting-ah hian Department chhunga thawktute an pension-in an pension hnu fe ah an document chinfel a ni thin chu tun Financial Year atang chuan an pension hma thla 6 (ruk) ah process-in an pension ni-ah engkim chinfelsak hman vek turin inbuatsaih nise tih te, Department chhunga thawkte Medical Reimbursement chu a theih anga chak a pek chhuah a tul thute sawi a ni a, SSA leh RMSA hnuaia thawktute hlawh lak tlai chhan chu State Matching Share hmuh har vang a nih thute pawh tarlan a ni.

School Education Department hnuaia Scheme hrang hrang thawh mekte chak zawka kalpui a nih theihna tura hma latute pawh inruat tura tih a ni a, State mai bakah Central nena kan indawr tawnna kawnga harsatna kan neihte pawh he meeting-ah hian sawiho nghal a ni a, chak zawka hma lak tum a ni.

Vawiin meeting-ah hian School Education Department hnuaia Officer-te an tel kim hle a ni.