No.1977/2021-2022

Aizawl, the 24th August 2021: Vawiin khan School Education Directorate Conference Hall-ah School Education Officer-te leh Central YMA kumpuan Committee te chuan zirna siamthat chungchangah sawihona an nei.

He meeting School Education Director Pu James Lalrinchhana kaihhruaiah hian zirnasiam that dan tur kawng hrang hrang an sawiho a ni a. Zirna siamthat kawngah a theih ang anga tan lakho zel tha an ti a; sawihona atanga ngaihtuahzui ngaite chu Committee sang zawkah chhawpchhuah ni sean ti a. School Education Department media cell-in Tutorial video clip YouTube a an dah thin pawh a link Central YMA-ah pek nise, annin a remchanangin zirlaite tan hmun hranghrangah an semdarh leh tura tih a ni a. Mizorama zirna in hma a sawn theih nan Essay inziahsiak buatsaih nise tha an tibawk a ni.

Meeting-ah hian Covid-19 avangin school-a zirna a khaihlak dan te tarlan a ni a. Hrileng a ziaawm deuh hnuah AMC pawn lama zirna hawn anih tak thute, Ni 24.08.2021 thlenga School Education Directorate-in a chhinchhiah chinah school 369-ah school hawn anih tak thu te tarlan a ni. Khawpui thenkhat Lunglei, Siaha, Serchhip, Mamit-ah te leh thingtlang khawthenkhatah te erawh chuan hrileng avangin zirnahawn theih anih loh thute tarlan a nibawk.

Meeting-ah hian School Education Director hovin Joint Director Pu Lalhmachhuana leh officer dangte an tel a, Central YMA kumpuan Committee hi an chairman Pu Lalhmachhuana hovin member te an tel a ni.