964/2023-2024

Aizawl the 28th June 2023 : Nizan (June 27,2023 zan) khan School Education Minister Pu Lalchhandama Ralte hovin Aizawla Ignite Studio-ah Remna Ni 2023 lawmna atana buatsaih State Level High School Quiz Competition  neih a ni a, District tin atangin District Level  High School Quiz Competition-a pakhatna theuhte an tel.

School Education Minister chuan he hunah hian thusawiin  Remna Ni chu Mizoram tan Ni chhuanawm leh hriatreng tlak a ni tih sawiin  ram buai tia hriat hlawh chu khawvela phochhuah tham remna tluantling nei a lo ni ta a, remna ziah tawh zawng zawnga khawvela hlawhtling ber tih theih a ni a ti. Remna ziah hnuah remna avanga lo haw te ramhnuai lama chhuak a, boruak han siam leh tum an awm lo tih sawiin Mizoram chu state ralmuang ber a lo ni ta a ti a.

Khawvel huapah pawh kan ram hruaituten ramdang mite chu kan remna leh ralmuanna rawn chhim ve rawh u tiin an sawm thei ta hial a, a ropui hle a ni a ti.

Remna hlutzia hriat thar nan te, remna hi engtianga lo awm nge tih te leh kan ram political history  thalaite rilrua tuhna atana State level Quiz competition leh Essay competition te buatsaih a ni chu lawmawm a tih thu a sawi bawk. Mi ram history hre viau mah ila, mahni ram chanchin hre mumal lo awm theih a nih avangin mahni pian leh murna chanchin hriat leh hlut te a pawimawh a, hetiang programme hi chhunzawm zel tlak a  ni tih a sawi bawk.

Nizana State Level High School Quiz Competition-a titha te chu - 

Nizan khan State Level Essay writing competition-a lawmman dawngte puan a ni bawk a, chungte chu-