1081/2022-2023
Aizawl the 29th June, 2022 : Vawiin khan Darlawn R.D Block huamchhunga MzSRLM, R.D Department hnuaia Self Help Group-te tan Custom Hiring Centre (CHC) bungrua hlan a ni a. He bungrua hi School Education Minister Pu Lalchhandama Ralte chuan a hlan.

School Education Minister chuan he hlanna hunah hian thusawiin SHG hi thingtlang hmeichhiate dawmkanna scheme tha tak a nih thu leh SHG kaltlanga thingtlang retheihna umbo hi MzSRLM thil tum lian tak anih thu a sawi a, hmeichhiaten an hnathawh awlsam zawkna atana CHC bungrua hi hlan a nih thu a sawi. Minister chuan sorkar programme ?henkhat chu a rah hmuh tur awm lovin a zuih ral fova, SHG te hmalakna erawhchu an dehchhuah hmuh tur a awm ta fo tih sawiin lawmawm a tih thu a sawi. sorkar policy hlawkpuitute chu midangte tana entawntlak ni tur leh an hnathawh te a hmuna entlak ni turin a fuih.

He CHC bungrua hlanna programme hi Pu Lalfakawma Chhakchhuak, Darlawn BDO in a kaihruai a, BDO chuan MzSRLM te hian thingtlang hmeichhia te tan Self Help Group dinin he group kaltlang hian SHG member mai nilo khawtlangin a hlawkna an tel thin thu a sawi a, sawrkar in SHG te hnenah Fund tam tak a pe mek tih sawiin, heng an fund dawn te hi tangkai taka hmang a, an khuaa SHG intelkhawm pawl Village Organisation (V.O) ah an rulh leh thin thu te leh heng an fund te hi rinawm taka rul thin turin a chah a ni.

Pi Lalduhawmi, Block Mission Manager, MzSRLM, Darlawn chuan report a pe a. Report a tarlan danin Darlawn R.D Block huamchhungah hian SHG 318 din a ni tawh a, SHG member 2583 an awm mek a, khaw tinah Village Organisation din a nih tawh a, CHC bungraw leina tur atan hian V.O te hnenah Rs 2.2 lakhs theuh pek an ni a, he pawisa atang hian bungrua hi SHG member-ten an duh ang an report hnuah lei a ni. Heng bungrua te hi man chawiin mahni khuaten an hawh thei ang a, chung an pawisa hmuhchhuah chu V.O te hnenah thehluh thin tur a dawn a ni.

He hunah hian Vaitin, E.Phaileng leh Sawleng Village Organisation-te hnenah CHC bungrua hi hlan a ni.

Vawiin a bungua hlan te hi- Combine Rice Mill (5 HP), Turmeric Grinding Machine (15kgs), Power sprayer (20 (lts), Brush cutter (2 stroke), Brush cutter (4 stroke), Sprayer (2 in 1), Sprayer (16 (lts) te an ni.