1935/2023-2024

Vawiin khan School Education Minister Pu Lalchhandama Ralte chuan Govt. Primary School Thingsat Diamond Jubilee lawmna Thingsat UPS kawtzawla neih chu khuallian niin a hmanpui.

Minister chuan he hunah hian thusawiin kum 60 chhungin Govt Primary School Thingsat hian fa duhawm tak tak a lo hring tawh tih han hmuh hian a hlimawm hle a ni a ti a. Zirlaite chu taima leh tumruha an zir chuan Thingsat a?angin mi hlawhtling an ni thei tih zir chhuak hlawhtlingte hian an lantir a ni a ti. Minister chuan zirna pawimawhzia sawiin Khawtlang hruaitute leh zirtirtute chu hmasawnna leh khawtlang ?han nan zirna hi a kipui a ni tih hre thar leh turin a chah bawk.

Minister chuan zirtirtute hi zirna sikul neitu tuinlung pu an nih a ngai a, hun vawng dik leh sikula awm ?ha an nih a pawimawh avangin tun hnaia zirtirtu lakah a theih chin chinah a khaw mite lak tum zel an ni a ti. Pu Lalchhandama Ralte chuan zirna in leh compound hi khawtlang ro hlu a ni tih hria humhalh ?ha turin khawtlang hruaitute leh nu leh pate chu a sawm a. Zirtirtute pawh missionary thinlung pua naupangte hmangaihna nena thawk tur leh hun vawng dik a, faina vawng?ha turin a fuih bawk.

Minister chuan hmar tlangdung tihhmasawn nana sorkar hnathawh thenkhat sawiin zirna chawikan nan Higher Secondary School- Arts, Science leh Commerce zirna te hawn thar a ni a ti a. Hriselna lamah Tuivawl bial khaw tin ten Health worker an nei kim a, clinic centre an nei kim a ti a, Inkalpawhna lamah kawngpui Seling - Manipur leh Bhaga road te siam tura ruahman fel a ni tawh a ni a ti bawk.

Minister hian Diamond Jubilee lungphun a hawng nghal a. Govt. Thingsat Primary School hi kum 1963 khan din a ni a, he sikul a?anga zir chhuak te zingah sorkar leh kohhrana mi pawimawh te, infiamna lama mi hlawhtling te, sumdawnna lama mi hlawhtling tak tak te an awm a ni. Thingsat UPS ah hian kuminah zirtirtu 9 leh zirlai 40 an awm mek a ni.

Diamond Jubilee lawmnaah hian Pu C.Lalnuntlanga Executive Member Shinlung Hills Council chu khualzahawm a ni a, zirtirtu leh zirlai hlawhtling te chawimawina hun hman a ni a,   khawtlang hruaitute, he sikula lo zir chhuak tawh te, zirtirtu leh zirlaite an tel a ni.