No.6908/2020-2021 


     Vawiin chawhnu khan School Education Minister Pu Lalchhandama Ralte chuan Khawzawl District thara District Education Office leh Samagra Shiksha District Project Office a hawng.

   School Education Minister Pu Lalchhandama Ralte chuan thusawiin Khawzawl District a DEO leh DPO hawn thar chuan kawng hrang hranga awlsamna a siam dawn tih sawiin kum a lak lawh a, tun kum kal laiah hi chuan Champhai District ah thil thenkhat tih a la ngai ang, Financial year thar atang chuan a hrangin a kal thei tawh dawn a ni a ti. 

    Minister chuan hrileng avangin sikul kal theih a ni lova. Kum thar January 15 ah chuan school kal theih beisei a ni a, naupangte hi kum hloh lova pawl sawntir tum an ni a, loh theih lohvin March chawhnu lamah exam-tir tum an ni a ti a. Zirlaite chuan TV leh online hmanga zirtirna pekte hmang tangkai turin a sawm. Nu leh pate pawh an fate ngaihsaka tan lakpui turin a sawm a ni

    Minister chuan School Education Department chu Pathianin mihringte min siam dan anga kan puitlin theih nana min chhertu a ni a. He Department-a thawkte chu Missionary rilru pu chunga thawh tur anih thu leh sorkar hnathawk dang ang annih loh thu a sawi bawk. Sorkarin  quality education a ngai pawimawh tih sawiin hnalakah pawh party rilru pu lovin a thiam thiam lak an ni a ti. Minister chuan he department pawimawhna hre thar turin mipuite a sawm a. Department danga thawkte pawh school Education chu neitu rilru pu chunga en turin a sawm a ni.

  Office hawnnaa khualzahawm Pu L.Thangmawia MLA & Vice Chairman HRD chuan Khawzawl District thar tihpuitlin a ni ta chu a lawmpui thu te, sorkarin District thar a tihpuitlin dan chu chak taka kalpui anih dan te a sawi a. HRD Board-in zirna atana hma a lak dan te, Mizo tawng tihhmasawn nan tawng dik leh dik lo chingfel tur thuneitu din tura hmalak anih dan te, Mizo mipuite chu langsar lo rawngbawlna lamah kan intlansiak a tul thu a sawi.

   Pu Lalmuanpuia MLA pawhin thusawiin Minister chak tak kaihhruaina hnuaiah zirnain hma a sawn zel a. Tun hnaiah zirtirtu sang chuang lak an ni a. Hindi Zirtitute pawh lak thar an ni a. Heng zirtirtu lak thar te hi dik taka lak enchian ngam an nih thu a sawi a. Minister-in dik leh tha a tihah chuan huaisen takin thutlukna a siam thin tih a sawi. 

     Khawzawl District-ah hian khaw 28 a awm a, Primary School  Govt 39, Samagra shiksha 1; Middle School Govt. 30, UPS 6 leh Lump sum 1; High School Govt 7, GIA 8 , Private 16; Higher Secondary School GIA 2 leh private 4 a awm a ni. Heng school hrang hrangah te hian zirtirtu 420 an thawk a, zirlai 4769 an awm a ni.
     Khawzawl DEO leh DPO hawnna hi Pu Zothanmawia Deputy Commissioner leh Chairman, Khawzawl District Education Committee-in a kaihruai a. Minister hi Department Officer Pu Lalhmachhuana SPD Samagra Shiksha leh Department Officer thenkhatten an tawiawm a ni.

Attachment

  • Loading attachment...