3946/2022-2023

Aizawl the 22nd March 2023 : Vawiin khan Tuisual Group YMA Conference N.Ținghmunah neih a ni a,  Pu Lalchhandama Ralte School Education Minister-in khuallian niin  a hmanpui.

Pu Lalchhandama Ralte chuan he hunah hian thusawiin sorkarin kawng hrang hrangin hmasawnna hna a thawk mek a, hmar tlangdung pawhin kawng hrang hrangin hma a sawn zel dawn a ni a ti. Thalaite chu social media hman danah fimkhur tur leh aia upa zahna nei thar turin a fuih bawk. Minister chuan YMA motto hre thar leh tanpui ngaite tanpui a, tuam hlawm zel turin kalkhawmte a chah a, Burma raltlan Central YMA ten an lo tanpui chu a hluin a mawi takzet a ni a ti. Ruihhlo chungchangah thalaiten ngaihtuahna thar an sen a ngai hle tih sawiin, nausen piangah mipa an tam thin a, mitthiah mipa bawk an tam leh a, hetiang a nih chuan  Mizo nulaten Mizo tlangval rintlak leh innghahna tlak an hmu lovang tih a hlauhawm tih sawiin Mizo mipate tan nun kawng hrang hranga țan lak a ngai hle a, ram leh hnam humhalhna kawngah harhthar a tul a ni a ti. 
    
Central YMA Vice President Pu Lalhmachhuana pawhin thu sawiin, remna leh muanna a lo awm rualin hmasawnna nasa takin a lo awm zel a, midangte umphak tur chuan remna leh muanna hnuaiah hnathawh a ngai a, dikna leh rinawmna nen ngaihsan tur dik tak kan ngaihsan a pawimawh a ti. 

Tuisual  Group YMA Conference- ah hian a huamchhung YMA Branch hrang hrang member-te an kalkhawm a ni.


Attachment

  • Loading attachment...