Vawiin khan Kawlbem leh Teikhang khuaahte ‘Zirlaite ni’  ropui taka hman a ni a, School Education Minister Pu H. Rohluna ‘Zirlaite ni’ hi a hmanpui a ni.

Pu Rohluna chuan ‘Zirlaite ni’ hmang tura zirlai kalkhawm zawng zawngte chu duhsakna chibai a buk a.  Faina leh hriselna hi inkawp tlat an ni a, natna kai theih tam tak hi hmun bawlhhlawh atanga insiam a nih avangin mihring chenna leh a chhehvel a fai chuan chung natna hrikte chu pumpelh thei a ni, a ti. Faina chuan hriselna a ken tel avangin ram fai lreh ram hrisel siam tura theihtawp chhuah chu mitin mawhphurna a ni a. Zirlaite ni thupui ‘Faina’ a nih angin faina leh thianghlimna nunpui a tulzia leh faina kawngah midangte zirtirtu ni turin zirlaite a chah a ni.