Vawiin khan D.C Conference Hall, Mamit- ah  Disater Management & Rehabilitation DM&R Mamit buatsaihin  Mamit khawpui chhunga zirtutute tan School Safety Training neih a ni a, Pi Lalbiaksangi District Bawrhsap chuan khuallian niin a hmanpui.

He hun hmanpuitu Pi Lalbiaksangi,  District Bawrhsap chuan kan hma- ah hian khuarel chhiatna kan pumpelh theihloh leh engtika lo thleng tur nge tih kan hriat lawk loh tawk theih reng kan ni a, chutiang anga khuarel chhiatna tawh thulhah chiai mai lova  naupangte himna leh lo inven lawk dan lo inzirtir chu Zirtirtu te tan a pawimawh hle a, inven lawkna tura ruahmanna lo siam lawk te chu thil tul tak  a ni a ti. Mamit khawpui chhunga zirtirtute chu hlawk taka training hmang turin a chah a ni.

Vawiin training hi Pu H. Lianzela Addl D.C Mamit chuan kaihruaiin chhiatrupna lo thlen thulha chetlak dan tur hrang hrang sawizauna a neih a. Pu P.C Lalthangzauva,  Govt Mamit High School chuan School Safety tih hmangin kalkhawmte a lem nen zirtirna a nei a, Pu Lalchhuanawma District Disaster Management Co- Ordinator pawhin School Safety Planning tih hmangin kalkhawmte a lem nen zirtirna a nei bawk. he hunah hian kalkhawmte atangin zawhna leh chhanna hun hman nghal a ni.

Training-ah hian Mamit khawpui chhunga Higher Secondary atanga Primary school zawng zawngte atangin zirtirtu  thlan bik an tel a ni.