Pi K Vanlalruati, MCS, Sub-Divisional Magistrate, Kolasib District, Kolasib chuan section 144Cr.PC in thuneihna a pek hmangin Kolasib Sadar Sub-Division huam chhungah a hnuaia mi ang hian thupek a chhuah.
Mi tumahin dan phalloh ang leh Licence pawh nei loin Gas, Petrol leh Diesel te an zuar tur ani lo. He thupek hi hman nghal tur a ni a, sut leh a nih loh chuan thlahnih chhung atan hman tur a ni. He thupek bawhchhiate chu Section 188 IPC angin hrem theih a ni a. He thupek hi nimin atanga hman nghal tur atan chhuah a ni.
He thupek hi Kolasib District chhungah kangmei laka invenna atan leh mitin an him tlan nan chhuah a ni a. The Petroleum Act. 1934 leh The Gas Cylinder Rules 2004 in a lo sawi angin mithenkhat ten dan lo ang leh Licence pawh nei lo in Gas, Petrol leh Diesel an zuar a, hengte hi man a hrem theih an ni a. Mihring chenna hmun hnai a an zawrh avang hian hmun thenkhatah kangmei a chhuah avangin bungrua/in leh mihringin nunna hial kan chan phah thin a ni.
