42/2022-2023
Aizawl, the 5th April 2022: Vawiin khan Mizoram State Election Commission (SEC) chuan Mara Autonomous District Council(MADC) in thlan hun tur leh inthlan kalpui dan tur a hnuaia tarlan ang hian a ti chhuak.
Mara Autonomous District Council term chu ni 15.5.2022 hian a lo tawp dawn ta a. Hei vang hian sub-rule (1) of Rule 3 of the Mizoram (Constitution of State Election Commission) Rules, 2008 leh sub-rule (5) of Rule 7 of the Mara Autonomous District Council (Constitution, Conduct of Business etc) Rules, 2002 as amended in thuneihna a pek angin State Election Commission, Mizoram chuan Mara Autonomous District Council thar siam tura inthlanna a buatsaih a ngai a. He inthlanna atana Commission hmalak dan leh Schedule of Election chu a hnuaia tarlan ang hi a ni:-
1. No. of Polling Stationsand Polling Booths: Mara Autonomous District Council hnuaiah hian Constituency 25 leh Polling Stations 81 leh Polling Booth 81 a awm a ni.
2. Electoral Rolls: Ni 1.1.2022 qualifying date-a hmangin, ni 01.03.2022 atanga ni 29.03.2022 chhung khan Electoral Rolls ennawnna hna thawh a ni a. Draft Rolls-a voters zat chu 43012 niin Final Rolls-a voters zat chu 42326 a ni a, draft leh final roll inthlauhna chu (-) 686 niin (-)1.59% a ni. Ni 29.03.2022-a Electoral Registration Officer-te’n Final Electoral Rolls an tihchhuah anga vote nei thei awm zat chu 42326 a ni.
Heng Voter 42326 zinga mi 21960- te hi hmeichhia niin 20366- te hi mipa an ni.
23-Siaha East-II Constituency ah hian voter 2808 awmin voter tamna ber a ni a, 15Amohtlah Constituency ah hian voter 1049 awmin Constituency mal a voter tlemna ber a ni. Hetih lai hian 15-Amotlah Constituency a 15/3 Riasikah Polling Station ah hian voter 95 awmin voter awm tlemna ber a nia a, 18-Siaha North-I Constituency a 18/1-College Vaih-I Polling Station ah hian voter 1055 awmin Polling Station voter tamna ber a ni ve thung.
3. Identification of Electors & Elector’s Identity Card: Vote thlak tur-te reng rengin Polling Booth-ah an nihna tichiang turin Election Commission of India-in a siam Electoral Photo Identity Card (EPIC) an keng/entir tur a ni a. EPIC an nei lo a nih erawh chuan State Election Commission in document hmantheih a tihchhuah te hmangin anmahni nihna an intichiang tur a ni.
4. Law & Order and Deployment of Forces: Inthlanna muanawm leh felfai kan neih theihna atan dan leh thupek kenkawh kawnga mawhphurtute chu a tul anga hma la tura tih an ni a, a bik takin District Magistrate leh Superintendent of Police-te chu ruahmanna tul ang zawng zawng siam tura beisei an ni. A tul a nih chuan ralthuam ken chungchang leh au rinna hman chungchangah khapna thupek tichhuak tura beisei a ni.
5. Election Officials: Deputy Commissioner chu District Election Officer (DEO)/Returning Officer atana ruat a ni a, amah puitu atan Asst. Returning Officer ruat a ni bawk a. Presiding Officer leh Polling Officer turte pawh ruat an ni bawk ang.
6. Observers : State Sawrkar officer-te chu Observer atan ruat an ni anga, anni hian inthlan chungchanga hma lak dan ngun takin an vil dawn a ni. Inthlan kalpui dana lungawi lohna emaw, sawisel duh neite chuan an biala Observer an hriattir thei ang.
7. Electronic Voting Machine: The Mara Autonomous District Council (Constitution, Conduct of Business etc) Rules, 2002 as amended in a sawi angin, he General Election-ah hian Electronic Voting Machine (EVM) hman a ni ang. Election Commission of India in inkaihhruaina dan a siamte chu felfai taka kalpui a ni ang.
8. Conduct of Officials: State Election Commission chuan inthlanna buatsaihna kawnga mawhphurtu, Police-te leh Sawrkar hnathawk zawng zawngte chu duhsak bik emaw hlauhna nei hauh loa a lai thei ang bera hna thawk turin a beisei a. An zavai hian State Election Commission hnuaia deputation-a kal anga ngaih an ni a, election process a zawh hma chuan Commission thuneihna hnuaiah an awm dawn a ni.
9. Schedule of Election: General Election to Mara Autonomous District Council, 2022 atan hian inbuatsaihna a tul anga hmalak a ni a. Heti ang hian 12th General Election to Mara Autonomous District Council, 2022 neih dan tur, Schedule of Election chu siam a ni:-
1 | Issue of Notification by the State Election Commission. | 05.04.2022 (Tuesday) |
2 | Issue of Notice of Election by the Returning Officer | 06.04.2022 (Wednesday) |
3 | Last Date for Filling Nominations | 13.04.2022 (Wednesday) (11:00am to 3:00pm) |
4 | Scrutiny of Nominations | 13.04 2022 (Wednesday) (3:00pm onwards) |
5 | Last date for withdrawal of Candidature | 18.04.2022 (Monday) (Upto 3:00pm) |
6 | Allotment of Symbols and Display of List of Candidates | 19.04,2022(Tuesday) (10:00am to 1:00pm) |
7 | Date of Poll | 05.05.2022 (Thursday) (7:00am to 5:00pm) |
8 | Date of Re-poll, if any | 06.05.2022 (Friday) (7:00am to 5:00pm) |
9 | Counting of Votes | 09.05.2022 (Monday) (10:00am till completion) |
10 | Date for completion of Election process | 11.05.2022 (Wednesday) |
11 | First meeting of the new council | 13.05.2022 (Friday) |
10. Model Code of Conduct: ‘Model Code of Conduct for Elections Conducted by State Election Commission, Mizoram 2022’ chu tun atang hian Siaha District-ah hman tan nghal a ni ang. He Model Code hian Political Parties, Contesting Candidates, Ministers, Member of Parliament, Member of Legislative Assembly leh inthlannaa inhnamhnawih Public Servant-te a huam ang.
11. Videography & Photography: A tul dan azirin thil thleng danglam leh Model Code of Conduct bawhchhiatna a awm chuan chhinchhiah a, thla la turin District Election Officer chu beisei a ni a, hei hian inthlanna felfai leh thianghlim a awm theihna’n kawng ro a su hle tura ngaih a ni.
12. Appeal: State Election Commissioner chuan inthlanna fel fai leh muanawm kan neih theihna’n inthlanna buaipuitute, Political Parties, Media, NGOs leh mipui tawiawmna a ngen a. Mipui duhthlanna kal tlanga tualchhung inrelbawlna tha tak kan neih zui zel theihna’na theih tawp chhuah theuh turin mi tinte a sawm a ni.
