Chakma Autonomous District Council (CADC) huam chhunga Village Council tan 25.02.2015 khian VC inthlanna a awm dawn avangin Mizoram State Election Commission chuan inthlan puan ni atangin inthlan zawhfel anih thleng Model Code of Conduct chu kenkawh a ni tur tih a hriattir a. He Model Code of Conduct in a bik taka sorkar hnathawk te tana tih loh tur a tarlan tlangpui chu a hnuaia mi ang hi a ni:

1) Sorkar hnathawk reng rengin Political Party awn lam a neih a thiang lova, party tan zawng emaw do zawng emaw in a campaign tur a nilo.

2) Sorkar hnathawk reng reng in engti kawng zawng mahin candidate te a tanpui tur a nilo.

3) Inthlan kaihhnawih a vantlang inkhawm ah sorkar hnathawk tan thusawi emaw tel emaw a thiang lo.

4) Inthlan campaign tura Minister leh political party hruaitute fehchhuak reng reng sorkar hnathawkin an tawiawm tur a nilo.

5) Political Party huaihawt intawhkhawmna-ah venhimna emaw dan leh thupek kengkawh tura mawhphurhna nei tih loh sorkar hnathawk dang reng reng an tel ve a thiang lo.

6) Dan leh thupek kenkawh thil a Police mi leh sa mawhphurhna nei tih loh sorkar hnathawk dang zawng zawng an tel ve a thiang lo.

7) Political Party mi leh sa te nen official thil a indawrna a awm thul ah pawh sorkar hnathawk te chuan thu lai la takin thil an ti thin tur a ni. Political Party mi leh sa, candidate leh campaigner tute pawhin thubuai thehluh an neih chuan Police ten thu lai la takin an chingfel thuai tur a ni ang.

8) Model Code of Conduct bawhchhetu sorkar hnathawk te chu sorkar hnathawk te inkaihhruaina dan awmsa hmangin hrem theih an ni ang.