1766/2024-2025
Champhai, 27th August 2024: State Election Commission chuan Lushai Hills District (Village Councils) (Amendment) Act 2014 Section 3, Sub-Section (7) leh Mizoram (Election to Village Councils) Rules, 2014, Rule 3, Sub-Rule (1) in thuneihna a pek angin, vawiin khan Champhai District-a Village Council pali – Khuangthing, Leisenzo, Ngur leh New Champhai VC By-Election hun tur a puang fel a. He mi rual hian District dang - Aizawl, Lunglei, Serchhip, Mamit, Kolasib, Khawzawl leh Hnahthial District a VC By-Election neih hun tur a puang fel bawk.
Inthlan hi September ni 24, 2024-ah neih tur a ni a, Vote thlak zawh vel leh atangin Vote chhiar tan nghal a ni ang. Inthlan that a tul a nih chuan September ni 25-ah neih tur a ni.
Champhai District-a By-Election neihna turah hian Ngur-ah member 5 (General 4 leh Reserved 1) thlan tur a ni a; New Champhai leh Leisenzo-ah te General Seat 1 ve ve hnawhkhawh tur niin, Khuangthing ah Reserved Seat 1 hnawhkhawh tur a ni thung.
Inthlan atana ni pawimawh te:
1. SEC-in Inthlan a puan ni: 27.08.2024
2. Returning Officer ten Inthlan puanna ‘Notice of Election’ an tihchhuah ni: 28.08.2024
3. Nomination File theih hun tawp: 03.09.2024 (Tuesday) (11: 00 AM – 03:00 PM)
4. Scrutiny : 04.09.2024
5. Inhnuhdawh theih hun tawp: 06.09.2024 (03:00PM)
6. Candidate te hnen a Symbol pek leh Candidate-te puanchhuah hun: 06.09.2024 (03:00PM)
7. Date of Poll: 24.09.2024 (07:00AM-5:00AM)
8. Vote Chhiar Hun: 24.09.2024 (Vote thlak zawh vel leh chhiar tan nghal a ni ang.
9. Re-Poll (if Any): 25.09.2024 (7:00 Am - 5:00 PM)
10. Election Process zawh ni: 27.09.2024
046-NOTIFICATION-Schedule of VC By-Election (Non ADC).pdf
