Sub-rule (5) of Rule 3 of the Lai Autonomous District Council (Election to Village Councils) (Amendment) Rules 2011, in Village Council in thlan buatsaih tura thuneihna a pek angin State Election Commission, Mizoram chuan Lai Autonomous District Council hnuaia Village Councils 3-ah 26th June, 2018 (Tuesday) hian By-Election chu a buatsaih dawn a ni.
Lai Autonomous District Council hnuaia Village Councils 3-ah hian ni1.1.2018 qualifying date-a hmangin, ni 28.05.2018 atanga ni 03.06.2018 chhung khan Electoral Rolls ennawnna hna thawh a ni a. Final Electoral Rolls hi ni 06.06.2018 khan tihchhuah a ni a, Lai Autonomous District Council hnuaia By-Election neihna tur Village Councils 3 ah hian vote nei thei mi 1709 an awm a, heng zinga mi 867 hi mipa an ni a, 842 hi hmeichhia an ni. Draft Electoral Rolls-a vote nei thei zat hi Final Electoral Rolls ah mi 85 in an pun belh a ni.
LADC Area chhunga By-Election neihna turah hian In 466 a awm a,Village Councils 1 (pakhat) chu Dissolved niin Village Councils 2(pahnih) a seat 1(pakhat) te chu member te thihna avanga he By-Election hi buatsaih tur a ni. Lai Autonomous District Council hnuaia Village Councils 3-a Final Electoral Rolls anga voter awm zat, In awm zat leh inthlanna tur seat awm zat chu hetiang hi a ni: (1)11- ngengpuikai - in 164, vote nei 458, inthanna tur seat 1,( 2) 13 - thingkah - in 202, vote nei 869, inthlanna tur seat 1 leh (3) 34 - Damlui - in 100, vote nei 382, inthlanna tur seat zat 4 te a ni.
SEC chuan hetiang hian a tahtawla inthlan a kalpui dan tur a siam :
Inthlan Puanni - June 7, 2018, Nomination ziahluh hun hnuhnungber - June 13, 2018, Nomination enfiah ni - June 14, 2018, inhnuhdawh leh theih hun June 15, 2018 tlailam dar 3 thleng, Candidate te chhinchhiahna ruatsak/peihfel hun - June 16, 2018 chawhnu dar 1 atanga chawhnu dar 2 thleng, Inthlan/vote thlak ni - June 26 zing dar 7 leh tlailam dar 5 inkar, vote chhiar ni -June 26, 2018 vote thlak zawh chiah atangin, engemaw thulh a inthlan that ni - June 27 zing dar 7 leh tlailam dar 5 inkar, inthlan that a awm thulha vote chhiar hun - June 27, 2018 vote thlak zawh atangin, Executive Body siam theih hun tawp ni - June 28, 2018, Inthlan hunchhung tawp ni - June 29, 2018.
