State Election Commission in thupek a chhuah angin, Kolasib District chhung Village Council 6 –– N. Chawnpui, N. Hlimen, Phainuam, Saihapui ‘V’, Saiphai leh Saipum khua-ah te VC Bye-Election neih anih dawn avangin, Summary Revision of Electoral Rolls 2016 neih tur a ni a, hemi atan hian nimin khan Kolasib Election Officer K. Vanlalruati, SDO(S) ni bawk chuan Draft Electoral Roll, 2016 a tlangzarh a, a enduh apiang ten bialtu ERO/AERO hnenah en theih a ni ang.

Draft Electoral Roll tlangzarh thar-ah hian N. Chawnpui VC huamchhungah voter 233 awmin, mipa 122 leh hmeichhia 111 an ni a, chenna In 78 a awm a ni. N. Hlimen VC huamchhungah voters 767 awmin, mipa 392 leh hmeichhia 375 an ni a, chenna In 262 a awm a ni. Phainuam VC huamchhungah Voters 756 awmin, mipa 385 leh hmeichhia 371 an ni a, chenna In 230 a awm a ni. Saihapui ‘V’ VC huamchhungah voters 178 awmin, mipa 87 leh hmeichhia 91 an ni a, chenna In 54 a awm a ni. Saihapui VC huamchhungah voters 1129 awmin, mipa 590 leh hmeichhia 539 an ni a, chenna In 323 a awm a ni. Saipum VC huamchhungah voters 1429 awmin, mipa 751 leh hmeichhia 678 an ni a, chenna In 379 a awm a ni.

Electoral roll a thun dilna leh paih dilna hun hi Ni 22-28.3.2016 chhungin neih a ni anga, Ni 1.1.2016-a piang chinte tan luh a dil theih ang.

Roll tlangzarhtu K. Vanlalruati Election Officer chuan VC Roll-ah Non-Tribal a tel ve theihloh avangin fimkhur turin ERO leh AERO te chu a chah a ni.

He hunah hian Election Officials te, Political party hrang hrang aiawh, AERO leh YMA aiawh te an tel a ni.