Nikum February ni 23-a Mizoram puma Village Council Inthlanpui neih ruala inthlang ve lo te, Aizawl District-a khaw 13 – Zokhawthiang, North Tinghmun, Mauchar, Zohmun, Palsang, Sakawrdai, Khawpuar, Vaitin, North Khawdungsei, Thingsat, New Vervek, Damdiai, Lungsum  leh Kolasib District-a  khaw 2 – Saiphai leh Saipum ah te Mizoram State Election Commission chuan July ni 23, 2013 khian By-Election a buatsaih dawn a ni. He thu hi vawiin khan State Election Commissioner Pu C. Ropianga, IAS (Rtd.) chuan apisa-a chanchinbu mite hmaah a sawi.  Village Council 15 te inthlanna ruahmanna kimchang (Schedule for By Election) chu State Election Commission chuan a chhuah bawk a ni.

Heng Village Council 15 te Final Electoral Roll buatsaih chu nimin khan District pahnih Headquarters-ah tarchhuah a ni a. Village Council 15-a Final Electoral Rolls anga Voters awm zat, In awm zat leh V/C seat awm zat chu hetiang hi a ni :-

Polling Station 15 te hi Sensitive Polling Station-a puan an ni a. Inthlanna muanawm leh felfai neih a nih theih nan dan leh thupek kengkawhtu District Magistrate leh Superintendent of Police-te chu ruahmanna tul ang zawng zawng siam tura tih an ni. A tul anga  ralthuam ken chungchang leh aurinna hman chungchangah khapna thupek tichhuak tura beisei an ni bawk.

Deputy Commissioner 2 (pahnih)-te hi District Election Officer (DEO) atana ruat an ni a, an mahni puitu atan District pahniha District Local Adminstration Officer (DLAO) te chu Asst. District Returning Officer (ADEO) atan ruat an ni bawk a ni. Inthlanna buaipuitu - Returning Officer, Presiding Officer leh Polling Officer atan pawh tualchhung mi Sawrkar hnathawkte ruat an ni ang.

State Sawrkar officer 2 Observer atan ruat an ni ang a, an ni hian inthlan chungchanga hmalak dan ngun takin an vil dawn a ni.

State Election Commission chuan inthlanna buatsaihna kawnga mawhphurtu, police leh sorkar hnathawk zawng zawngte chu duhsak bik emaw hlauhna nei hauh lova a lai thei ang bera hnathawkturina beisei a. An zavaihianStateElection Commission hnuaia deputation-a kala ngaih an ni a, election process a zawh hma chuan Commission thuneihna hnuaiah an awm dawn a ni. Model Code of Conduct for Elections to Village Councils - 2012’ chu vawiin atang hian By-Elections neihna tur Aizawl District leh Kolasib District hnuaia Khaw 15 Village Councils area chhungah te hian hman tan nghal a ni. He Model Code of Conduct hian Political Parties, Contesting Candidates, Ministers, Parliamentary Secretaries, Members of Parliament, Members of Legislative Assembly, Municipal Councillors leh Village Council inthlannaa inhnamhnawih Public Servant-te a huam ang.

He inthlannaah hian Single Ballot Box leh Common Ballot Box hman a ni anga, siai reh thei lo (indelible ink) pawh hman a ni bawk ang. Party Worker-te inkara borual tha lo pumpelh nan, Polling Booth bula political Party-te leh Candidate-te inkulhnaturin‘Common Election Camp’ pakhat chauhsiamphalsak an ni ang.

Inthlan chuh tumte tana hming pek luh hun hnuhnung ber chu ni 15 July, 2013 thleng a ni ang a, hming pek luh te hi ni 16 July-ah endik a ni ang a, inhnukdawk duh leh te tan ni 17 July thleng hun hawn a ni ang. Ni 18 July, 2013 dar 10:00AM  atangin inthlan chuhtute hnenah chhinchhiahna (symbol) sem leh an hming tarchhuah a ni ang a, a tuk ni 19 khian State Election Commission leh DEO, hnenah List of Contesting Candidates thehluh hman vek tur a ni. July ni 23, 2013 zing dar 7 atangin tlai dar 4 thleng vote thlak a ni anga,Vote thlak zawh fel veleh vote tla te hi chhiar tan nghal an ni bawk ang.

State Election Commission chuan inthlanna felfai leh muanawm neih a nih theih nan inthlanna buaipuitute, political parties, media, NGOs leh mipui tawiawmna a ngen a. Mipui duhthlanna kal tlanga tualchhung inrelbawlna tha tak neih zui zel theih nana theih tawp chhuah theuh turin mitin te a sawm a ni.