Vawiin hian Serchhip District Election Officer Pi Sangchhin Chinzah hovin a pisaah kumin 2018 a Electoral Roll Summary Revision neih leh tur inbuatsaihna leh hmalak dan tur sawihona meeting neih a ni.

Chairman Pi Sangchhin Chinzah chuan, kan hriat theuh angin kumin hi MLA inthlan kum a ni a. Inthlanna thianghlim, fel fai leh kum 18 tling khua leh tui zawng zawngten vote an thlak ngei theih nan theihtawpa hmalak a ni dawn a. Chumi atana inbuatsaihna pawimawh berte zinga mi Special Summary Revision, kumin atana thawh hnihna kalpui a ni leh dawn a ni, a ti a. Dan in min phut anga engkim kalpui a nih theih nan, thawktute, tlawmngaipawl leh Party hrang hrang hruaitute an pawimawh thu sawiin, inpawh tlang taka theihtawp chhuah puiah a sawm nghal ani.

Kum 2018 second Special Summary Revision kalpui dan tur Election Commission of India in a duan dan chu hetiang hi  a ni:

Draft Roll Publication                                      –          31.7.2018

Claims & Objections                                        _         31.7.2018 to 21.8.2018

Disposal of Claims & Objections                     _          Before 20^th September, 2018

Updating data base &

Printing of supplements                                  _          Before 26^th September, 2018

Final Roll Publication                                      _          27^th September, 2018

He Roll Revision ah hian 01.01.2018 a kum 18 tling, India khua leh tui dik tak, Roll a la chuang lo te thun thar te leh, Roll a hming siamthat ngai te, Roll atanga paih ngai tawh te leh thil tul dangte kalpui tur a ni dawn ani.

Vawiina meeting ah hian Party tinte chu an Booth Level Assistant (BLA) tur lo ruata Election Officer hnena thehlut tura hriattir nghal an ni a, 26/9 Serchhip III, Polling Station Government Middle School III ni thin chu Chhim Veng Government Primary School ah sawn nise tiin an rel bawk a ni.

Vawiin Meeting ah hian Addl District Election Officer Pu Chuauhnuna, Election Officer Pu Lalvenhima,Serchhip District chhunga ERO leh AERO te, Political Party hrang hrang aiawh te, MJA  leh tlawmngaipawl aiawh te an tel a ni.