Vawiin chawhnu dar 12:30 khan Higher Education Department changtu Commissioner/Secretary Pu K.Lalnghinglova leh MZP Sub-Hqrs. Lunglei a hruaitu te chuan Lunglei a Polytechnic zirlai te harsatna sutkian dantur sawiin Circuit house ah an thu khawm a.

Secretary hi Lunglei Bawrhsap Pu V. Sapchhunga, District Education Official, PWD hotute leh BSNL hotu ten an tawi awm a ni. Secretary hian zirlai te harsatna chu sawrkar in a hriat thiampui thu sawiin, heng harsatna lo intanna bul tak chu sawrkar in sum hman tur a nei tlem a. Sawrkar tan chhiah lak loh chu sum hnar a nei bawk silova, chhiah pek chungchang ah Mizoram kan than harh a hun a ni a ti. Sum lama harsatna a awm chung pawhin zirlai ten an zirna ah harsatna an tawh loh nan sawrkarin theihtawp a chhuah mek thu a sawi bawk.

Lunglei Bawrhsap pawh in Polytechnic zirlai te chu an zirna a tana pawilo zawnga sawrkar hmalakna nghak a, an nawrh bansan turin a ngen a ni. Meeting ah hian zirlai hruaitu ten an harsatna te an thlen a. Heng zinga pawimawh zual Internet facility leh Building thawm that hna chu BSNL leh PWD official ten a rang lama chinfel dantur an ruahman pui nghal a ni. Staff indaihlohna leh mamawh dangte pawh Secretary hian lo enfel sak a tum thu a sawi a ni.