No.2184/2021-2022
Aizawl, September 10, 2021 : Vawiin ni 10th September, 2021 zing karah khan Aizawl leh a chhehvel a Sangha dil neitu te tan Sangha chi sem a ni. Fisheries Department chuan Socio-Economic Development Policy (SEDP) hnuaiah Sangha chi hi Aizawl leh Saitual District ah 70% subsidy in an sem mek.

SEDP hmanga Sangha chi sem mek ah hian Aizawl District chhunga Aizawl chhehvel khuate leh khawdang 8 ah Sangha chi hi sem tawh niin Saitual District chhungah khaw 5 ah te sem a ni tawh bawk. Sangha chi sem bak khuaah te hian sem chhunzawm mek zel a ni.

SEDP hnuaiah hian Aizawl District chhungah Sangha chi 5,00,000 Nos. (Nuaih nga) leh Saitual District ah Sangha chi 2,00,000 Nos. (Nuaih hnih) sem tur a ruahman a ni. Sangha chi sem mek hi Indian Major Carp (IMC) chi 3 leh Exotic Carp chi 3 inpawlh te an ni.

Aizawl District leh Saitual District hi Circle 4 (pali) ve ve ah then niin, Circle Officer ten Sangha chi sem hna hi Dt 6th Sept.,2021 atang khan ngawrh takin an kalpui mek a ni.

Fisheries Department chuan SEDP kaltlang in Sangha a intodelh theihna turin theih tawpin hma a la mek a ni.