206/2022-2023
Aizawl, the 20th April 2022 : Vawiin khan Sports, Youth Affairs, ICT leh Tourism changtu Minister leh SEDP hnuaia Sports, Youth Affairs, ICT and Tourism Development Chairman ni bawk Pu Robert Romawia Royte hovin SAD Conference Hall MINECO Sawrkar flagship programme SEDP hnuaia Board huang chhunga awm Department pathum te hmalak tum dan leh SEDP hnuaia ruahmanna leh hmalakna tur an duan chin te sawikhawm niin rawtna hrang hrang te an siam.

Meeting kaihruaitu Minister Pu Robert Romawia Royte chuan Board hnuaia SEDP hma lakna tur chhawpchhuah chin te chu mimal leh chhungkua tinzawn ‘beneficiary oriented’ ni lo mahse an hma lakna tur kawng hrang te chuan sports association hrang hrang te tichak a puih te, thalai te hmasawnna tur ngaituah te, mipui in tourism hmalakna hrang hrang an hlawkpui theih dan kawng zawnpui leh dapsak te, ICT hmanga mipuiin Sawrkar dawr awlsam dan chhawpchhuahsak te a huam tel a nih avangin khawtlang anga hmasawnna social development, SEDP pawhin a tum chu a thleng thei niin a sawi a. SEDP a sawizaunaa SEDP chu replacement programme nilovin supplementary programme a nih dan te sawiin mite tuina tihchak leh tihphuisui chu a tum lian tak niin a sawi.

Sports & Youth Affairs Secretary Dr. Lalrozama chuan meeting ah sports leh youth services tihhmasawn nana SEDP hnuaia hma lak an tum dan ruahmanna an duan chin te a sawi a. Tourism Secretary Pi K. Lalrinzuali chuan SEDP hnuaia tourism sector hmasawn nana ruahmanna hrang hrang an duan chin te a sawi a. Chief Informatics Officer Dr. Lalthlamuana pawhin hetiang bawkin SEDP hnuaia hma an lak tum dan te a sawi a. Ruahmanna hrang hrang te hi Board chuan uluk leh zau taka an sawiho hnuin Chief Minister kaihhruaina hnuaiah SEDP Board meeting hi neih nise chutah chuan Board hmalak tum dan hrang hrang te chu chhawpchhuah nise tiin an rel a ni.

Meeting ah hian MYC Chairman Dr. Vanlaltanpuia, MLA leh Board hnuaia Vice Chairman Pu TC Pachhunga bakah SEDP Board hnuaia official leh non-official Member te an tel a ni.