Nimin ni 8.9.2014 khan kar khat awh tur “Training on Financial Management for Self Help Groups” chu National Institute of Rural Development, Hyderabad leh State Institute of Rural Development, Mizoram tangkawp buatsaihin State Guest House Conference Hall, Chaltlang-ah neih a ni.

He training hi Pi Maria C.T. Zuali, Director, SIRD in a hawng a. Felfai taka sum hman leh enkawl dan chungchanga zirtirna hi Dr. R. Murugesan, Associate Professor, NIRD bakah Pu Khawlsiamthanga Khawlhring, Pu Malsawmtluanga Fanai, Pi Margarete Lalbiakthangi, Pu F. Malsawmtluanga leh Pi Lily Khawbung ten an pe dawn a, Training tur hian MZSRLM a Cluster Coordinators APO (WD), WDT, Asst. Coordinator (SWD) te leh Block Missions Managers (MZSRLM) te an kalkhawm a ni.