Vawiin chawhma dar 11:00 khan A&C Conference Hall Lunglei ah Sensitization Workshop for Legislators & VCP, Mizoram State Tobacco Control Society H&FW Dept. Govt. of Mizoram bultuma neih ani.
He workshop hi Pi M.Zohmingthangi, IAS Lunglei Bawrhsap in a kaihruai a ni. He workshop a khuallian hi Pi Lai Riliani, President Indian Society on Tobacco and Health, Mizoram chapter a ni. Thusawiin Pi Rii chuan zuk leh hmuam hi mihring hmelma, mihring nun suata tichhe tu leh tul lova sum khawh ralna a ni a ti. Veng hrang hrang atanga VCP leh VCM lo kal te chu he zirtirna mahni veng theuh ah pechhawng thei tu ni tur in a fuih. A sawi zelna ah thlarau damna turin sual sim a ngai ang in taksa damna turin Mizo ten zuk leh hmuam kan sim a ngai a ni a ti. Zuk leh hmuam tih loh hi changkanna a ni a,zuk leh hmuam hian natna chi tam tak Cancer, Lung natna, Khuh, thisen sang, zunthlum, kalna, etc. te a thlen theih avangin kan sim a ngai a ni a ti. Mei kan zuk hian a zutu chauhin tuar lovin a bul hnaia awm a hiptu ten an tuar bawk avangin a hlauhawm hle a ni a ti. Sawrkar in puipunna a zuk leh hmuam a khap na chhan hi khua leh tui him nan leh dam nan a ni a ti. Chubakah zuk leh hmuam hian sum leh pai a ti hek in chhungkua harsatna thlentu a ni a ti.

Pi Jane R.Ralte in Power Point presentation Slide projector nen pe in zuk leh hmuam hlauhawm zia a sawifiah a ni. Pu Lianhlira, CMO in lawmthu sawi na a nei bawk.