Vawiin chawhma ah khan Aizawl Civil Hospital Auditorium-ah Mizoram State Quality Assurance Committee neih a ni.

Meeting-a thusawitu Pu Arun Goyal, IAS, Principal Secretary, HFW, MSQAC Chairman ni bawk chuan fuihna thu sawiin, "Kan hnathawh hian awmze nei leh quality neiin mipuite hnen a thlen theihna turin theihtawp i chhuah ang u" a ti.

Mizoram State Quality Assurance Committee(MSQAC) hi National Health Mission hnuaia awm a ni. Kum 2014 November thla khan Central Sorkarin a rawn din thar a ni a. Hemi Programme hnuaiah hian District QualityAssurance Committee din ni lehin chumi hnuaiah Quality Assurance Unit a awm leh a ni.

MSQAC in a tum ber chu Sorkar hnuaia district leh state hospital zawng zawngte dinhmun enfiah a, Central sawrkarin tehfung leh inkaihhruainate a siam ang zulzuiin score pek tur a ni a. He tehfung leh inkaihhruaina atanga Hospital in 70% a score tlin chuan National Accredited niin Financial & Non Financial Incentives a hmu ang.

Pu Arun Goyal, IAS, Principal Secretary, HFW chuan SQAC hi kaihruaiin Meeting ah hian SQAC nihphung leh thiltum te Dr. Krossnunpuii, State Consultant, Vanlalruatpuia Pautu, State Consultant, Dr. Lucy Chawisangzeli leh Dr. Reene Lalrinzuali ten an sawi fiah a ni.