2014/2024-2025
2024 Mimkut thla ni 11: India Meteorological Department, Ministry of Earth Sciences, National Bulletin No. 13 (BOB/04/2024) dt. 10.9.2024 leh Mizoram Sawrkar Disaster Management & Rehabilitation Department lehkha No. B. 13022/3/2024-DMR dt 10.09.2024-in September ni 10 - 13, 2024 inkar hian India ram hmun hrang hrangah ruah sur chhunzawm tura a tar lan rualin, Mizoramah pawh ruah sur thei tura tar lan a nih bakah, Mizoram chhim lam district (Lunglei District) bikah phei chuan September ni 13 hian ruah tam tham tak sur thei tura tar lan a nih bawk avangin Lunglei District mipuite him zawk nan Lunglei District Disaster Management Authority (DDMA) Chairman, District Bawrhsap Pu R. Lalṭhazuala chuan vawiin khan a hnuaia mi ang hian hriattirna a chhuah:
"1. Mahni in leh a velte uluk taka enfiah tur a ni a, lei min mai thei awm te leh tui luan kawr inhnawh te a awm em tih enfiah i la, tui kal dan te a ṭha tawk em tih en nawn turin kan inngen a.
"2. Zonal Officer-te'n mahni bial ṭheuh uluk taka vil turin kan inngen a, kan bial chhunga harsatna awmte rang taka sut kian a nih theih nan inralring renga awm tur a ni.
"3. Village Disaster Management Committee-te chhiatna tawk palh an awma buaipui thei turin inralring renga awm tur a ni e.
"4. Harsatna lian tham thleng leh lei min avanga tangkhang kan awm chuan hma lak vat a nih theih nan thuneitute hrilh hriat vat tur a ni e.
"5. Mipui harsatna tawk kan awm chuan bialtu Zonal Officer bakah, Police Department lamah te rang taka report pek tur a ni e."
Attachment
- Loading attachment...
