2652/2026-2027 

Dated Serchhip, the 13^th October, 2026: Nimin 12.10.2026 khan Serchhip District Deputy Commissioner Pu Paul L. Khuma hovin a Office Chamber-ah ‘Conservation & Restoration of Catchment Areas of Barak River’ project chungchangah Consultation Meeting neih a ni.

He project hi North Eastern Council (NEC) hnuaia North Eastern Region Community Resource Management Society (NERCORMS)-in a kalpui tur niin, KfW, Germany atanga sum hmuh tur a ni a, a senso tur hi cheng vaibelchhe 1500 vel ni a chhut a ni a. He project hian State pali - Assam, Manipur, Nagaland leh Mizoram te a huam dawn a, Mizoram-ah chuan District 8 - Aizawl, Champhai, Mamit, Kolasib, Serchhip, Lunglei, Saitual leh Khawzawl te a huam a ni.

Meeting-ah hian, Serchhip District chhunga khaw 5 - Thenzawl, Neihloh, Baktawng, Khumtung leh Buhkangkawn te chu priority village atan thlan an ni.

He project atan hian Feasibility Study nei turin GFA Consulting Group GmbH, Hamburg, Germany te ruat an ni a, anni hian September ni 21 atanga October ni 12, 2026 chhunga field study an neihna report-te chu November ni 30, 2026 ah an thehlut leh dawn a ni.

Meeting-ah hian Addl. Deputy Commissioner Pi Dorothy Muansangi, SDO (Sadar) Pi Rebecca Laldinmawii Hrahsel leh he project hnuaia Feasibility Study Team (FST) Team-B te an tel a ni.