2651/2026-2027 

Dated Hnahthial, the 13th October, 2026:
Vawiin khan DC Meeting Hall-II, Hnahthial-ah Special Intensive Revision (SIR) kalpui meka Special Drive kalpui dan tur chungchang inhrihhriatna chu Hnahthial ERO leh Addl. DC ni bawk, Pu Lalremruata Kullai kaihhruaina hnuaiah neih a ni.

ERO, Pu Lalremruata Kullai chuan Election Commission of India (ECI) in State tin Chief Electoral Officer (CEO), District Election Officer (DEO) leh Electoral Registration Officer (ERO) te chu October thla chhunga Special Drive nei tura a hriattir thu sawiin chumi bawhzui chuan Hnahthial District-ah pawh ngawrh taka kalpui mek a nih thu a sawi a. Special Drive thil tum ber chu SIR neih hmaa electoral roll-a awm si, Final Electoral Roll-a awm ta lote tlawh chhuah a, India khua leh tui dik tak ni te chu Form-6 hmanga e-roll-a inthunluh dil tir a nih thu a sawi a. Form-6 sem chhuah leh fill-up pui hna chu BLO te kutah a awm thu sawiin vote nei thar tur, kum 18 tling tharte pawh buaipui nghal tur an nih thu a sawi a ni. 

BLO-te tana list siam hi Booth Level Agent-te pawh an pe vek tur thu sawiin BLO-te’n field verification an neih zawhah hming list-te hi ERO/AERO hnenah submit leh tur a nih thu a sawi a. Form 6 fill-up te tan ERO/AERO hmaah hearing nei leh a nih tur thu sawiin a tul dan leh remchan dan angin Booth Level Camp buatsaih tur a nih thu a sawi bawk. 

SIR Special Drive hi kalpui mek niin hei hi October thla chhung kalpui tura ruahmanna siam a ni. 

Election Officer leh SDO Sadar ni bawk Pu S. Kaptluanga chuan thutkhawm chhan sawifiahin, zawhna leh chhanna hun hman a ni a, tha zawk leh dik zawka special drive kalpui chhunzawm zel dan tur sawi ho nghal a ni.